Ass Gentechnik geféierlech ?

28.05.15

FNRDiesen Artikel drucken

Gentechnik ass an Europa verpöhnt. An anere Länner, z.B. an Nord- a Südamerika, sinn se awer manner skeptesch a baue vill gentechnesch modifizéiert Planzen un. Wéi geféierlech ass Gentechnik dann elo ?

Wann ee Gentechnik-Géigner nolauschtert, mengt ee Gentechnik  wier super geféierlech. Wann ee Gentechnik-Produzenten nolauschtert, kéint ee mengen, Gentechnik wier absolut onbedenklech. D’Wourecht läit an der Mëtt. Fakt ass : An der wëssenschaftlecher Communitéit gëtt et keng Evidenz derfir, dass gentechnesch verännert Planze schiedlech si fir de Mënsch oder d‘Déier.

Heescht dat dann dass Gentechnik total harmlos ass ?

Jiddfer Liewensmëttel, jiddfer Produktiounsmethode biergt gewësse Risiken. Wann et em d’Ernährung vun iwwer 7 Milliarde Mënsche weltwäit geet, muss een oofweien. Am Kampf géint Krankheeten, Drëschenten an Iwwerschwemmungen ass et wichteg, dass robust Planze mat neien Eegeschaften geziicht ginn. Vrun allem wa mer manner Pestizide wëllen asetzen.

Gentechnik ass eng vu villen Ziichtungsmethoden. An do ginn et der, déi als risikoaarm agestuft ginn, wéi z.B. einfach zwou Planze vun der selweschter Zort mateneen ze kräizen. An do ginn et méi technologescher, déi als méi risikoräich agestuft ginn, wéi z.B. d’Gentechnik.

OK, och aner Ziichtungsmethoden hunn also Risiken?

Genee. Fir nei Eegeschaften ze kréien muss een d’DNA (also d’Genen) vun de Planze veränneren. Dat geschitt och bei der normaler Ziichtung - an och an der Natur. Ma d’Méiglechkeete sinn hei begrenzt. Fir nei Eegeschaften an eng Planz ze kréien, ginn et Ziichtungsmethoden wou se z.B. Planze mat radioaktiver Strahlung bombardéieren oder chemesch Substanzen asetzen, déi d’DNA vu Planzenzellen attackéiert. Och dest si méi risikoräich Methoden. Ma wëll sie als Ziichtung an net als Gentechnik agestuft ginn, sinn sie manner streng kontrolléiert.

Ze soen dass aner Ziichtungsmethoden och hier Risiken hunn, wëll awer lo net soen, dass Gentechnik dofir manner Risiken huet ?

Dat stëmmt. Dat wor just fir ze soen, dass an däer Debatt immens vill Schwaarz-Wäiss-Molerei mat dran ass. A Wierklechkeet ass d’Realitéit awer gro. Wichteg wier vu Fall zu Fall ze kucke, wat sënnvoll ass a wat net. Gentechnik ass sëcherlech keng Allerweltsléisung. Ma vläit a verschiddene Fäll interessant ? Vill Argumenter géint Gentechnik hunn net direkt mat der Gentechnik, ma mat der Praxis vu Grousskonzerner ze dinn.
Fir weider Infoen géif ech hei op eise science.lu-Special verweisen.

Auteur: Jean-Paul Bertemes

Auch in dieser Rubrik

Wéi funktionéiert en Fusiounskraaftwierk?

01.03.17 Niewent Wand, Sonn a Waasserkraaft soll an Zukunft Energie aus Kärfusioun benotzt gi fir Stroum ze generéieren. Wéi funktionéiert sou en Fusiounskraaftwierk? > Ganzen Artikel lesen

Wat ass den “Internet of Things” (a wat hu mer dovun)?

18.04.16 Eis Welt gëtt ëmmer méi vernetzt. An Zukunft sollen all eis Geräter matenee kommunizéiere kënne – an sou eis Liewe méi einfach a méi bëlleg maachen. > Ganzen Artikel lesen

Wat kënne “Wearables” iwwert eis soen?

14.10.15 Apple watch, Google Glass a Co. Déi meescht moossen domatt hir Fitness, mee do stécht awer méi dohanner... Mr Science, wat kënnen dës technesch Geräter iwwe...> Ganzen Artikel lesen

Firwat gouf de Malaysia Fliger nach ëmmer net fonnt?

09.05.14 D’Sich nom Fliger aus Malaysia geet weider! Trotz moderner Technologie: Firwat as et sou schwéier eppes um Mieresbuedem erëmzefannen? > Ganzen Artikel lesen

Wéi funktionéieren eigentlech elektronesch Zigaretten?

22.01.14 Dat ass jo elo den neisten Trend: elektronesch Zigaretten. An de Butteker gesäit een déi an alle Faarwen a Formen ... mee wéi funktionéieren se eigentlech? > Ganzen Artikel lesen

Verwandte Themen