Autospneuen: Wéi Fuerscher probéieren de Kaméidi vun den Autoen ze reduzéieren

16.06.16

FNRDiesen Artikel drucken

Säit e bësse méi wéi honnert Joer hunn Autospneuen e Profil. Hier Surface ass mat Rillen duerchzunn, déi Waasser bei Reen op d'Säit ofleeden. Dat hëlleft géint Aquaplaning, ass awer schlecht fir d'Oueren. Wëll Bei den Autoe sinn d’Pneuen déi Haaptresponsabel fir de Kaméidi.

D'Pneue maache méi Kaméidi wei de Motor?

Jo, do hues de richteg héieren: Schonn ab ongeféier 35 Kilometer an der Stonn sinn d'Pneue vun engem modernen Auto méi haart wéi d'Geräisch vum Motor.

Aha!

Fir den Autosverkéier méi lues ze maachen, ginn d'Pneuen dofir wéi Museksinstrumenter erfuerscht.

Dat klengt awer wäit hiergeholl...

Dat denkt een am Ufank. Mee wann s du dir vun der Säit ukucks, wéi e Pneu op der Strooss läit, da formt en zur Stroossesurface hin eng Aart Triichter, genee wéi eng Trompett. An dëse Schalltriichter verstäerkt d'Geräisch, dat beim Kontakt vum Pneu mat dem Stroossebelag entsteet.

Ok...

An dëst Geräisch entsteet virun allem duerch déi eenzel Bléck am Profil vum Pneu, déi beim Fuere ganz séier hannerteneen op d'Strooss treffen. D'Loft gëtt doduerch a regelméisseg Schwéngunge bruecht an et entsteet en Toun. An dëse gëtt duerch den Triichtereffekt nach verstäerkt. Fir dass d'Pneue méiglechst lues sinn, hunn sech d’Pneuefuerscher dofir en Trick ausgeduecht.

An dee wier?

Wann s de déi nächste Kéier an däin Auto klemms, muss du dir deng Pneue virdru genee ukucken! Dann wäerts de erkennen, dass déi eenzel Profilbléck net exakt selwecht grouss sinn. Doduerch treffen se an engem onregelméissege Rhythmus op d’Strooss op. Sou entsteet keen Toun méi wéi et bei engem regelméissege Rhythmus de Fall wier, mee éischter en Dauschen, dat fir d'Gehéier méi agreabel ass. D'Konscht vun de Profilentwéckeler ass  en Pneueprofil ze entwéckelen, de souwuel méiglecht sécher mee och méiglechst lues ass. Bei engem néie Pneuenmodell sëtzen se do schonns labber e puer Joer drun.

E puer Joer?

Jo. D'Ingenieure sinn dobäi nach op en zweeten Trick komm: Si schneiden de Profil sou, dass d'Kante vun engem Profilblock net direkt ganz op d'Strooss knuppen, mee sech wei e gudde Lafschong ofrullen. Dat ass net nëmme méi lues, mee reduzéiert och gläichzäiteg de Rullwidderstand an domat de Spritverbrauch.

Mr. Science, ab elo gesinn ech Pneue mat aneren Aen!

Ajo, och hei ass vill spannend Wëssenschaft dra verstoppt!

Auteur: Ingo Knopf

Editeur: Joseph Rodesch (FNR)

Traducteur: Sophie Steinmetz

Photo: Wikimedia Commons

Auch in dieser Rubrik

Freedefeier vun der Zukunft: Wäerten Dronen d’Freedefeier revolutionéieren?

21.06.18 Souguer Erfindunge vun den ale Chinese wéi d’Freedefeier, ginn duerch modern Technologien ëmgekrempelt. Mr Science, wéi gesäit d’Freedefeier vun der Zukunft...> Ganzen Artikel lesen

Solarstroossen: Ersetzen an Zukunft Solarzellen de Makadamm op de Stroossen?

04.06.18 D’Iddi kléngt genial, mee ass se ëmsetzbar? An Zukunft soll de Stroossebelag net méi aus Makadamm mee aus Solarzelle bestoen, fir esou kënnen Energie ze gew...> Ganzen Artikel lesen

Wat maache mat eisem Knascht? Ab an de Weltraum domat – oder?

14.05.18 Mir produzéieren am Moment op der Äerd all Joer iwwer 1 Milliard Tonnen Offall, an et gëtt ëmmer méi. Wouhinner domat? > Ganzen Artikel lesen

Mikro-Dronen: Si mer gläich iwwerall vu fléiende Kameraen ëmginn?

19.04.18 Mikro-Dronen, sou kléng wéi Insekten, gëtt et a Science-Fiction Romaner säit bal honnert Joer. Elo gi se Realitéit! Mr. Science, wisou brauche mer sou kleng...> Ganzen Artikel lesen

Bitcoin a Co.: Zukünfteg Suen?

05.04.18 E puer Leit sinn domat steeräich ginn, vill schwätzen driwwer: mee wat daachen digital Suen wéi Bitcoin? Sinn et d’Suen aus der Zukunft oder nëmmen waarm Lo...> Ganzen Artikel lesen

Infobox

Mr Science op RTL Radio

All 2 Wochen présentéiert de Mr Science op RTL Radio wat fir eng Fuerschung hannert engem Objet aus dem Alldag stécht.

Dës Sendung gouf den 16.06.2016 opgeholl. 


Verwandte Themen