Firwat soll ee beim Iessen net iwwer Politik schwätzen?

20.09.17

FNRDiesen Artikel drucken

 D’Gemengewale sti virun der Dir, wouduerch a villen Haushälter oder ënner Kollegen am Restaurant iwwer Politik debattéiert gëtt. Elo héieren ech datt een, enger aler Reegel no, dat net maache soll... Wisou eigentlech, Mr Science?

Ech kann dech direkt berouegen – et gëtt keng wëssenschaftlech Reegel déi verbitt fir iwwer Politik bei Iessen zu schwätzen. Ma de Grond firwat déi Reegel awer Sënn mécht, ass wëll d’Leit sech dacks net eens sinn. Bei Politikdiskussioune kann et nämlech séier zu Sträit kommen... A Sträit ass fir de Kierper eng Stresssituatioun.

A Stress ass net net gutt fir z’iessen!?

Genee- A Stresssituatiounen ass d’Gehir an Alarmbereetschaft a regléiert de ganze Kierper anescht wéi an enger entspaanter Situatioun. Mir gi bei Stress z.B. méi wakereg duerch zousätzlechen Dopamin, mee aner Kierperfunktioune wéi d’Verdauung gi bei Stress zréckgeschrauft. Während dem Iessen ass dat net sou gutt, a kann zu Bauchwéi féieren... En Iesse fir dat sech e Kach richteg Méi ginn huet, soll ee genéisse kënnen!

Iwwer wat soll een dann idealerweis nach net schwätze während dem Iessen?

Eekeleg Krankheeten oder bluddeg Operatioune sinn natierlech och net jiddwerenger senges fir beim Iessen, well hei munch engem d‘Fantasie mat duerchgeet.

Wéi gesäit dann dat optimaalt Dëschgespréich aus?

De berühmte Philosoph Immanuel Kant huet sech doriwwer Gedanke gemaach, wéi en optimaalt Dëschgespréisch soll opgebaut sinn. Hien huet gemengt et misst aus 3 Phase bestoen: Fir d’éischt d’Verzielen, dann den Austausch vun den Argumenter an als Ofschloss d’Gecksen. Mee bon, wann ech mech dorop konzentréieren da kann ech d’Iessen och net richteg genéissen...

Auteur: scienceRELATIONS, Joseph Rodesch

Iwwersetzung a Editioun: Joseph Rodesch

Auch in dieser Rubrik

Wann d´Mier voller Plastik ass – land en dann och am Fësch op mengem Teller?

15.02.17 An de Mierer schwammen onmoosseg grouss Quantitéite Plastik ronderëm. Verschidden Mieresdéiere verschlécken dëse Plastik. Kéint en sou och mam Fësch op meng...> Ganzen Artikel lesen

Wat geschitt beim Impfen?

26.10.16 Scho mat e puer Woche kréie Puppelcher hier éischt Impfung – wat geschitt eigentlech dobäi am Kierper? > Ganzen Artikel lesen

D'Wëssenschaft vum Eelefmeter: Mat statisteschen Etuden déi bescht Taktik ermëttelen

04.07.16 De Fussballspiller leeft un, waard kuerz a schéisst...déiw an den Eck! Wier et besser héich ze schéissen? Net ze waarden? Domadder hu sech Wëssenschaftler b...> Ganzen Artikel lesen

Firwat richt ee Parfum no kuerzer Zäit net méi?

11.05.16 Heiansdo froen ech mech, firwat ech iwwerhaapt Parfum benotzen…no puer Minutten ass de Geroch souwisou fort. Verflitt de Parfum sou schnell? > Ganzen Artikel lesen

Atomendlager: Eng Verstopp fir 1 Millioun Joer - geet dat iwwerhaapt?

31.03.16 Zu Bure, 150 km vu Lëtzebuerg, soll en Atomendlager entstoen. Ka sou en Endlager iwwerhaapt sëcher sinn? A wéi deelt een zukünftege Generatiounen dat mat? > Ganzen Artikel lesen

Infobox

All 2 Wochen beäntwert de Mr Science op Eldoradio Radio eng Alldagsfro. Des Fro gouf an der Sendung vum 17. September 2017 beäntwert.

Verwandte Themen