Firwat vibréiert d'Loft am Auto, wann ee matt der Fënster op fiert?

16.09.15

FNRDiesen Artikel drucken

D’Lescht, wéi et esou waarm wor, ass meng Klimatisatioun am Auto net richteg gaang, an ech wollt d’Fënster opmaachen, fir e bëssen ze killen. Mä et ass därmoossen e Geknupps ginn, datt ech d’Fënster erëm séier zou gemaach hunn. Wouhier kënnt dat Geknupps eigentlech hier?

Wëll den Auto fiert, stréimt d’Loft jo laanscht den Auto, also laanscht déi oppe Fënster. An dobäi geschitt Ähnleches, wéi wann een iwwert eng Fläsch bléist. D‘Loft vibréiert, an et héiert een en Toun!

Wisou kënnt dann d’Loft un d’vibréieren?

Hei spillt de Loftdrock eng Roll: Deen ass nämlech méi kleng, do wou d’Loft séier stréimt, a méi grouss, do wou d’Loft roueg ass. Beim oppene Fënster am Auto hu mer Loft nach bannen am Auto, déi net a Bewegung ass, ganz no nieft Loft, déi laanscht d’Fënster stréimt, déi also ganz séier a Bewegung ass.

Mir hunn also en Drockënnerscheed tëscht bannen a baussen?

Genau. An da kënnt nach derbäi, datt déi zwou Loftschichte jo laanschtenee reiwen. Déi eng zitt also Loft vun der anerer mat. Mol geet e bësse Loft zur Fënster eran, mol geet der e bëssen eraus. An anere Wierder: D’Loft vibréiert.

Dat heescht, den Auto gëtt eng riseg Fläsch, déi en Toun produzéiert?

Net grad! Mir héiere jo kee propperen Toun, mä éischter Geknupps. Déi Vibratiounen si –leider- ganz chaotesch.

Schued, ech hat elo schonn un eng riseg Pan-Flütt geduecht, a wollt mam Auto Musik maachen.

Dat géif ech der souwisou net empfeelen! Pass léiwer op d’Strooss op wanns de Auto fiers.

Auteur: André Mousset
Photo 
© Shotshop

Auch in dieser Rubrik

Looping mam Fliger: Bleift Waasser am Eemer wann de Fliger op der Kopp as?

02.05.17 Eng spektakulär Variatioun vum éischten Experiment, dat de Mr Science als Kand gemaach huet. > Ganzen Artikel lesen

Wann een op eng Gedrénks-Béchs klappt, schaimt se da beim Opmaachen net iwwer?

18.01.17 Hëlleft et wierklech, widder eng Gedrénks-Béchs ze klappe fir dass se net iwwerschaimt, a wann jo, op wat muss een dobäi oppassen? > Ganzen Artikel lesen

Wisou schmaacht alkoholfräie Béier sou anescht?

04.01.17 Vill leit rëselen de Kapp bei alkoholfräiem Béier. Mee en huet ëmmer méi Erfolleg. Mee wisou schmaacht en net genee wei d’Original? > Ganzen Artikel lesen

Wann all d'Gletscheren an d'Polkappen schmëlze giffen - giff da Lëtzebuerg ënner goen?

05.09.16 Mr, Science! De Klimawandel ass voll am Gaang.> Ganzen Artikel lesen

Kann ee Liicht an enger Këscht afänken?

27.04.16 Mr Science, e Nolauschterer huet mer do eng zimlech abstrus Fro gestallt. Ass et méiglech Liicht an enger Këscht afänken?> Ganzen Artikel lesen

Infobox

Mister Science op Eldoradio

All 2 Wochen beäntwert de Mister Science op Eldoradio är Froen.
Dës Fro gouf den 16/09/2015 opgeholl

Scheck och deng Fro op: mister.science_at_fnr.lu


Verwandte Themen