Kann ee Kriibs duerch eng einfach Bluttanalys entdecken?

12.07.18

FNRDiesen Artikel drucken
Fuerscher hunn e Blutttest entwéckelt, dee Kriibs erkenne soll. Kann een dësen Test scho fir d’Kriibsfréierkennung asetzen?

D’Äntwert ass leider en kloren Neen. Et handelt sech em eng villverspriechend Fuerschungsaarbecht, awer bis zu enger praktescher Uwendung ass et nach en laange wäite Wee. Mee d’Fachwelt ass trotzdeem begeeschtert!

Wisou?

Haut gëtt Kriibs oft eréischt entdeckt, wann ee schonn an engem avancéierten Stadium ass, a Krankheetssynthomer opdauchen. D’Medeziner géife Kriibs awer scho gären am Ufanksstadium traitéieren, well dann d’Chancen op eng Heelung an der Reegel besser sinn. Dofir versicht ee jo haut schonns esou munch Kriibsaarte mat Fréierkennungsënnersichungen mat Zäit ze entdecken. En einfache Blutttest wär awer vill méi an einfach, virun allem och wann een op verschidde Kriibsaarten teste kéint.

Wéi géif dat prinzipiell funktionéieren?

Bei Kriibs wuchere kierpereegen Zellen onkontrolléiert. Genee wéi gesond Kierperzelle ginn och Kriibszelle Stoffer an d’Blutt of. Dat si jee no Kriibsaart zum Beispill bestëmmten Eewäisser oder Brochstécker vun hirem Genmaterial. Blutttester op Kriibs sichen no dësen Unzeechen, d’Medeziner nennen se Kriibsmarker. D’Schwieregkeet dobäi ass, dës Substanze vun deenen ze ënnerscheeden déi zum Beispill vun entzündten Kierperzellen ofgi ginn. Oft ginn déi nämlech Stoffer an d’Blutt of, déi deene vu Kriibszellen immens ähnlech sinn. En zouverlässege Kriibstest muss awer zwou Ufuerderungen  erfëllen: E soll méiglechst all Kriibspatient entdecken, awer bei gesonde Patiente wa méiglech keen Alarm schloen.

Kloer, do kann ee mol en uerdentleche Schreck kréien...

...an déi Patienten missten da belaaschtend an deier Tester maachen wéi Computertomographien oder Tissueprouven... An der aktueller Fuerschungsaarbecht schneid de Blutttest awer souguer vergläichsweis gutt of, en diagnostizéiert nëmme bei wéinege Patiente fälschlecherweis Kriibs. Gläichzäiteg sinn em awer vill Kriibsfäll net opgefall. Bei Broschtkriibs huet en am schlechtsten ofgeschnidden, héi huet en d’Krankheet an 2 vun 3 Fäll iwwersinn. Mee vill Kriibsfuerscher gleewen, dass d’Method trotzdeem vill Potenzial huet.

Se mussen et awer hikréien, sou Blutttester méi zouverlässeg ze maachen.

Jo, awer genee dofir bleift Fuerschung jo ëmmer spannend!

Auteur: Ingo Knopf
Editeur: Joseph Rodesch (FNR)
Iwwersetzer: Sophie Steinmetz
Foto: Shotshop

Auch in dieser Rubrik

Firwat gëtt Cannabis als Medikament agesat?

07.11.16 Bei Cannabis denkt een un Drogen oder de Bob Marley. Ma och Fuerscher interesséieren sech fir dee Stoff – als Medezin. > Ganzen Artikel lesen

Dating-Fuerschung: Gëtt et eng optimal Strategie fir säin Drampartner ze fannen?

06.10.16 Wéi laang muss ech op mäin Drampartner waarden? > Ganzen Artikel lesen

Wouhier wëssen d'Fuerscher, datt 1 Kilogramm exakt 1 Kilogramm weit?

11.02.16 Wisou ziele Fuerscher d’Atomer an engem Kilogramm Silizium? > Ganzen Artikel lesen

Gesond Ernährung: Firwat ass Vitamin C sou wichteg?

05.11.15 Hëlleft Vitamin C géint de Schnapp? > Ganzen Artikel lesen

China-Restaurant-Syndrom: Ass Glutamat wierklech sou schlecht wéi sai Ruff?

27.07.15 Glutamat: Et soll Häerzklappen, Kappwéi an Ziddere provozéieren. Mee stëmmt dat wierklech? A gëtt et de „China-Restaurant-Syndrom“ wierklech? > Ganzen Artikel lesen

Infobox

Mr Science op RTL Radio

All 2 Wochen présentéiert de Mr Science op RTL Radio wat fir eng Fuerschung hannert engem Objet aus dem Alldag stécht. Dës Sendung ass vum 12.07.2018.

Iwwerwaache vun enger Kriibserkrankung

Réckfall-Fréierkennung

Wéi d’Sich no Terroristen


Verwandte Themen