Kann een de Sandkuch an der Sandkëscht pobéieren?

12.04.17

FNRDiesen Artikel drucken
Mr Science, wéi geféierlech ass et, wann kleng Kanner an der Sandkëscht spillen an do en Stéck vum Sandkuch probéieren? Ginn se dovu krank?

 Wann an der Sandkëscht wierklech nëmme Sand ass, da muss du dir keng Suerge maachen. Sand geet einfach duerch de Mo an Daarm a lant dann an der Wëndel. Allerdéngs muss de drop uecht ginn, dass keng Déieren d’Sandkëscht als Toilette benotz hunn.

Ah lecker... a wat maachen ech wa mäi Kand zum Beispill e Stéck Kacka an de Mond stécht?

Dat ass zwar eekleg, an der Reegel awer keng Katastroph. An Déierekot kennen allerdéngs Krankheetserreeger a Wierm sinn. Da muss een einfach an der Zäit dono drop oppassen, ob d‘Kand Bauchwéi kritt, sech oft um Hënneschte kraazt oder ob s de Wierm am Kacka entdecks. Dee Moment misst een bei de Kannerdokter.

Wat ass da wierklech geféierlech an der Sandkëscht?

Zigaretten a Glasschierbelen! Wann s de gesäis, dass e Kand en Stommel an de Mond hellt, muss de direkt agräifen, well den Nikotin am Tubak immens gëfteg ass. Wann et schonns op der Zigarett knat oder de Stommel ofgeschléckt huet, kanns de den 112 uruffen. Trotzdem keng Panik: Liewensgeféierlech ass dat bal ni.

Op ëffentleche Spillplaze solls de awer léiwer virdrun de Sand iwwerpréiwen an däi Kand am Ae behalen. Am eegene Gaart geet et duer, d’Sandkëscht owes ofzedecken. Dann bleift de Sand propper genuch fir ouni Suergen e Stéck vum Sandkuch ze probéieren.

Wier et dann net am beschten, Kanner guer net méi an der Sandkëscht spillen ze loossen?

Nee, dat wier souguer schiedlech! Kanner mussen einfach alles upaken an an de Mond stiechen, nëmmen sou begräifen se d’Welt. Ausserdeem trainéieren se sou hiert Immunsystem. Eng plus minus gefleegte Sandkëscht ass dofir wei gemaach!

Auteur: scienceRelations
Editeur: Joseph Rodesch
Iwwersetzer: Sophie Steinmetz
Foto: Dreamstime

Auch in dieser Rubrik

Wisou wuesse Beem net ëmmer an ëmmer weider?

30.03.17 Munch Beem kënne méi wéi 100 Meter grouss ginn. Dat ass riseg - mee wisou wuessen se net nach méi an d’Luucht? > Ganzen Artikel lesen

Wéini gëtt et eis Welt net méi?

05.02.17 An engem sinn d’Fuerscher sech zimlech eens: Liewe soll et éigentwann keent méi op der Äerd ginn. D’Haaptursaach ass d‘Sonn, déi ëmmer méi waarm gëtt. > Ganzen Artikel lesen

Wisou verléiere Männer éischter Hoer wei Fraen?

23.01.17 Männer verléieren éischter Hoer wei Fraen. Wisou ass dat esou? Dat ass dach onfair! > Ganzen Artikel lesen

Wisou verschimmelt Gebeess, Schockelasbotter awer net ?

23.11.16 Gebeess ka verschimmelen, Schockelasbotter awer net. Wouru läit dat? > Ganzen Artikel lesen

Wisou trëlle Wolleken net vun Himmel?

10.11.16 Se hänke wei Wattbäll iwwert eis a bestinn aus tonneweis Waasser – d´Wolleken. Mee wisou trëllen se net einfach erof? > Ganzen Artikel lesen

Infobox

Mr Science op Eldo Radio

All 2 Wochen beäntwert de Mr Science op Eldo Radio eng Fro. Des Fro gouf an der Sendung vum 12. Abrëll 2017 beäntwert. 


Verwandte Themen