Mini-Fotoobjektiver fir Smartphone an Endoskop

15.03.17

FNRDiesen Artikel drucken

Wa Fotoamateuren ugi wëllen, weisen se gären hier grouss Objektiver. Fuerscher stinn dogéint op Understatement: Se liwweren sech eng Competitioun em dat klengsten Objektiv vun der Welt. Dat klengste miesst mëttlerweil manner wei ee Millimeter.

Mr. Science, dat ass jo butzeg! Wéi gëtt dann sou en Mini-Objektiv gemaach?

Dat hunn ech mech och gefrot, wei ech dovun héieren hunn! Normalerweis gi Lënse fir Fotoobjektiver jo aus Glas geschlaff, mee dat ass bei dëse winzege Moossen net méi machbar. D'Fuerscher hunn hiert Objektiv geprint!

Ah! Mat engem 3D-Drucker huelen ech un?

Jo, dofir schéissen se en Laserstral an en duerchsiichtege Speziallack. De Laser gëtt op e Punkt an der Drëps gebëndelt. A genee op dëser Plaz gëtt de Lack dann haart. Da gëtt de Laserstral op eng Plaz direkt doniewent geriicht a sou gëtt Punkt fir Punkt d'Lëns opgebaut. Zum Schluss muss een dann nëmmen nach de Lack ewech spullen, deen net mam Laser gehäert ginn ass, an iwwereg bleift d’Mini-Objektiv.

Dat kléngt no enger technescher Meeschterleeschtung. Mee wisou maachen se dat?

Fir dat ze verstoen, kann een sech d’Objektiv um Smartphone ukucken. Dat deckt en grousse Bléckwénkel of, fir zum Beispill Gruppebiller op Partye maachen ze kënnen. Wann een elo awer probéiert, un eng Persoun erun zezoomen, da gëtt einfach nëmmen de jeeweilegen Ausschnëtt vergréissert an d’Bild gëtt méi onschaarf. D’Mini-Objektiver sinn awer esou kleng, dass een einfach e puer niewentenee setze kann, zum Beispill ee Wäitwénkel- an en Teleobjektiv, an dann nach zwee Objektiver, déi de Bléckwénkel tëscht dësen zwee Extremer ofdecken. Sou kritt een dann e Bild, dat souwuel e groussen Iwwerbléck bitt, wéi och an der Mëtt schaarf ass. D’Fuerscher vergläichen dat gäre mat engem Aadleraan, dat e ganzt Feld iwwerwaacht, mee trotzdem an engems eng Maus doran erkenne kann.

Sinn nach aner Uwennunge méiglech ausser als Smartphone-Objektiv?

Jo. D’Objektiver sinn esou kleng, dass een se direkt op de Wupp vu liichtleedende Glasfaseren drécke kann. Dës gi vill an der Medezin fir Endoskope genotzt. Mat hinne kéinte Plazen am Kierper ugekuckt ginn, déi soss net zougänglech wieren. Mat deenen neien Objektiver kéinten Endoskopen also vill méi dënn ginn.

Kéinten des Mini-Objektiver och als immens onopfälleg Iwwerwaachungskamerae benotzt ginn?

Well d’Mini-Objektiver nëmme knapp e Millimeter grouss sinn, reegen se natierlech d’Fantasie un. Se kéinten zum Beispill a Mini-Spionéierdrohnen agebaut ginn.

Et ass also wei sou oft d’Fro, wéi een déi nei Technik notzt.

Genee, mee och dofir bleift Fuerschung jo ëmmer spannend...

Auteur: Ingo Knopf
Editeur: Joseph Rodesch
Traducteur : Sophie Steinmetz
Foto : Pixabay

Auch in dieser Rubrik

Freedefeier vun der Zukunft: Wäerten Dronen d’Freedefeier revolutionéieren?

21.06.18 Souguer Erfindunge vun den ale Chinese wéi d’Freedefeier, ginn duerch modern Technologien ëmgekrempelt. Mr Science, wéi gesäit d’Freedefeier vun der Zukunft...> Ganzen Artikel lesen

Solarstroossen: Ersetzen an Zukunft Solarzellen de Makadamm op de Stroossen?

04.06.18 D’Iddi kléngt genial, mee ass se ëmsetzbar? An Zukunft soll de Stroossebelag net méi aus Makadamm mee aus Solarzelle bestoen, fir esou kënnen Energie ze gew...> Ganzen Artikel lesen

Wat maache mat eisem Knascht? Ab an de Weltraum domat – oder?

14.05.18 Mir produzéieren am Moment op der Äerd all Joer iwwer 1 Milliard Tonnen Offall, an et gëtt ëmmer méi. Wouhinner domat? > Ganzen Artikel lesen

Mikro-Dronen: Si mer gläich iwwerall vu fléiende Kameraen ëmginn?

19.04.18 Mikro-Dronen, sou kléng wéi Insekten, gëtt et a Science-Fiction Romaner säit bal honnert Joer. Elo gi se Realitéit! Mr. Science, wisou brauche mer sou kleng...> Ganzen Artikel lesen

Bitcoin a Co.: Zukünfteg Suen?

05.04.18 E puer Leit sinn domat steeräich ginn, vill schwätzen driwwer: mee wat daachen digital Suen wéi Bitcoin? Sinn et d’Suen aus der Zukunft oder nëmmen waarm Lo...> Ganzen Artikel lesen

Infobox

Mr Science op RTL Radio

All 2 Wochen présentéiert de Mr Science op RTL Radio wat fir eng Fuerschung hannert engem Objet aus dem Alldag stécht. Dës Sendung koum de 15.03.2017 


Verwandte Themen