Wéi vill Fuerschung stécht am Brout?

20.02.17

FNRDiesen Artikel drucken
Mir reegen eis op, wann eisen Toast mol erëm verkuelt ass. Muench aner gesinn dat allerdéngs anescht: Fir vill Fuerscher ass verbrannte Brout dat Bescht wat et gëtt!
Mr. Science, wisou begeeschteren déi sech da fir esou eppes?

Dat bestätegt jo mol erëm d’Viruerteel vum verréckte Wëssenschaftler oder?

Dat wollt ech elo net esou soen….

Wann mer genësserlech an eng lecker Scheif Brout bäissen, denke mer an der Reegel net dorun dass dëst eréischt duerch dee wuel gréisste Changement an der Geschicht vun der Mënschheet méiglech gouf: d’Erfannung vum Akerbau. Virun ongeféier 11 000 Joer hunn eis Steenzäit-Virfahren ugefaangen, Kar unzebauen. Mee bis haut streiden sech d’Fuerscher, wisou se dat gemaach hunn.

Ma, fir Brout ze baken!

Dat géif jo op der Hand leien. Mee mat dësem Urkar war dat kaum méiglech, well een d’Kären nëmme schlecht vun der Spelz getrennt krut, dat ass déi haart Schuel em den eigentleche Kar. Muench Archeologe mengen dofir, dass am Ufank Béier aus dem Kar gebraut gouf. Den Urbéier stellen se sech wei eng Béierzopp fir, an där déi haart Schuelenstécker ronderëm geschwomme sinn. Déi konnt een dunn ooffiltréieren oder et huet een den Urbéier einfach mat de Stréihallem gedronk.

Also als éischt gouf et de Béier an dunn d’Brout? Dat ass awer eng gewoten Thees…

An genee dofir freeën sech d’Archeologe wei kleng Kanner op Chrëschtdag, wann se Steenzäitbrout fannen. Domat hoffen se, genee dës Fro ze klären. Mee normalerweis bleift Brout net Joerdausende laang erhalen, ausser, wann et per Zoufall an d’Feier gefall ass oder de Steenzäitbäcker net opgepasst huet an et beim Bake verbannt ass.

Wéi al sinn dann déi eelste Broute vun der Welt?

Iwwer 5000 Joer. Dat sinn e Koup Dausend Joer no der Erfindung vum Akerbau.

Do gëtt et also nach en grousse Vide an der Fuerschung?

Do gëtt et nach eppes ze entdecken, jo. Verkuelte Brout interesséiert awer och ganz aner Fuerscher, nämlech Ingenieuren!

Ingenieuren?

Jo, chinesesch Fuerscher hunn elo am Labo Brout gebak. Awer net fir et ze iesse mee fir et ouni Sauerstoff op em déi 1000 Grad ze erhëtzen. Dobäi entsteet eng fest, schwammeg Substanz, en schwaarze Kueleschaum, sou ënnen d’Fuerscher dat. An deen huet ganz erstaunlech Eegenschaften: en ass immense liicht, an isoléiert ganz gutt géint Hëtzt a Funkwellen.

Aus Brout gëtt also en Hightech-Material?

Genee, häss de dat geduecht? D’Fuerschung ass ebe ëmmer spannend!

 

Auteur: Ingo Knopf
Editeur: Joseph Rodesch
Traducteur: Sophie Steinmetz
Photo: Pixabay

Auch in dieser Rubrik

Mat engem Seel bis an de Weltall klammen?

13.04.17 D’Iddi klengt fantastesch, mee munch Experten halen et prinzipiell fir méiglech: Mat engem Seel amplaz vun enger Rakéit an de Weltraum kommen. Wéi ee Seel b...> Ganzen Artikel lesen

Wéi vill Fuerschung stécht am Fotoobjektiv?

15.03.17 Fuerscher liwweren sech eng Competitioun em dat klengsten Objektiv vun der Welt. Dat klengste miesst mëttlerweil manner wei ee Millimeter. > Ganzen Artikel lesen

Wéi vill Fuerschung stécht am Messer?

02.02.17 Wéi bleiwe Messer schaarf? > Ganzen Artikel lesen

Wéi vill Fuerschung stécht am Kopfhörer?

14.07.16 D’Kopfhörer spille jo scho laang net méi nëmme Musek... > Ganzen Artikel lesen

Wéi vill Fuerschung stécht am Profil vun engem Pneu?

16.06.16 Wéi reduzéiere profilsüchteg Fuerscher den Autoskaméidi? > Ganzen Artikel lesen

Infobox

Mr Science op RTL Radio

All 2 Wochen présentéiert de Mr Science op RTL Radio wat fir eng Fuerschung hannert engem Objet aus dem Alldag stécht. Des Sendung koum de 16.02.2017

 

Verwandte Themen