Wisou verschimmelt Gebeess, Schockelasbotter awer net ?

23.11.16

FNRDiesen Artikel drucken
Du frees dech beim Kaffi op däi Liiblings-Gebeess, gesäis awer nom Deckel erofschrauwen, dass iwwerall eeklege Schimmel ass. Bei Schockelasbotter geschitt dat ni. Mr Science, wouru läit dat?

Ganz einfach: Schimmel brauch Waasser, fir sech ze reproduzéieren. An am Gebeess gëtt et dofir genuch Waasser, an am Schockelasbotter net.

De Waasserundeel ass also entscheedend?

Jo, mee oft ka Schimmel d’Waasser an de Liewensmëttel guer net notzen. Ech gi mol en Beispill: Gedréchent Uebst huet en Waasserundeel vun em déi 20%. Nëss hunn nëmmen hallef esou vill. Trotzdem kennen se verschimmelen, gedréchent Uebst awer net. Beim gedréchentem Uebst hält nämlech de Fruuchtzocker d’Waasser chemesch fest, et steet net zur fräier Verfügung. Bei Nëss ass dogéint bal all Waasser fräi an ongebonnen an sou fir de Schimmelpilz notzbar. En kann sech super reproduzéieren.

Ok. An wei ass et elo bei Gebeess a Schockelasbotter?

Am Gebeess ass niewent Zocker virun allem vill Waasser. Den Zocker am Gebeess bënnt awer nëmmen en Deel vum Waasser, et bleift also nach vill fir de Schimmel iwwereg an dee kann sech ausbreeden. Am Schockelasbotter ass sou gutt wei kee Waasser. Niewent vill Zocker, besteet hie virun allem aus Fett, Mëllechpolver, Kakaopolver a gemuelen Hieselnëss. An dat wéinegt Waasser gëtt bal komplett vum Zocker gebonnen. Dem Schimmelpilz bleift ze wéineg fräit Waasser iwwereg. Dofir ka Schockelasbotter net verschimmelen.

Awer heiansdo gesäit een awer en wäisse Belag!

Dat ass awer kee Schimmel, mee nëmme Fett, dat sech un der Surface als kleng wäiss Kriställercher oofgesonnert huet. Dat kann een ouni Suerg iessen.

Auteur: scienceRelations
Editeur: Joseph Rodesch
Iwwersetzer: Sophie Steinmetz
Foto: Depositphotos

Auch in dieser Rubrik

Ginn et Déieren, déi net schlofe mussen?

26.03.18 Mr Science, dëse Weekend war ech esou groggi – ech hu bal nëmme geschlof. Iergendwéi ass dat jo och Zäitverschwendung.> Ganzen Artikel lesen

Gefillten Temperaturen: Wisou et dobaussen heiansdo méi kal schéngt, wéi et ass

28.02.18 D'Wiederprevisiounë ginn net nëmmen déi Temperaturen un, déi den Thermometer den Dag drop moosse wäert, mee dacks och déi gefillten Temperatur. Wat ass dat? > Ganzen Artikel lesen

Zerstéiert Alkohol wierklech Gehirzellen?

12.02.18 E puer iwwert den Duuscht gedronk, an den Dag drop kaum nach Erënnerungen...heescht dat, datt vill Gehierzelle futti gaang sinn? > Ganzen Artikel lesen

Kënnen och Mënschen e Wanterschlof halen?

01.02.18 Kéisécker maachen et, Fliedermais och a Siweschléifer souwisou: Et gëtt vill Mamendéieren, déi e Wanterschlof halen. Wisou net och mir Mënschen? > Ganzen Artikel lesen

Wisou leeft engem d’Waasser am Mond zesummen, wann een eppes Leckeres gesäit?

21.11.17 D’Aen iesse mat, heescht et: Schonns beim Ubléck vun appetitlechem Iesse leeft eis d’Waasser am Mond zesummen. Firwat? > Ganzen Artikel lesen

Infobox

Mr Science op Eldo Radio

All 2 Wochen beäntwert de Mr Science op Eldo Radio eng Fro. Des Sendung ass vum 23.11.2016


Verwandte Themen