Atomwaffentest an Nordkorea: Seismogramm vu Lëtzebuerg huet d'Explosioun enregistréiert

05.09.17

FNRImprimer cet article

Zu Walfer gouf an der Nuecht vun e Samschden op e Sonnden eng Erschütterung gemooss. Ma wéi wees een, dass et eng Explosioun an net en Äerdbiewe wor?

Hei uewe gesäit een d’Bild wat de Seismograph vu Walfer an der Nuecht vun e Samschden op e Sonnden opgezeechent huet. Den Dr Adrien Oth, Fuerscher am European Center for Geodynamics and Seismology (ECGS) erkläert datt d’Vibratioune vu staarken Explosioune sech ähnlech wéi Äerdbiewen duerch déi ganz Äerdkrust iwwer déi ganz Welt ausbreeden, a soumat och zu Lëtzebuerg moossbar, mee natierlech net spierbar sinn.

Ënnerscheed Äerdbiewen - Bomm

Äerdbiewen, déi de Seismograph aus der aler Gipsminn zu Helsem bei Walfer normalerweis moosst, hunn e liicht anert Muster wéi punktuell Explosiounen: et ënnerscheet een tëschent Kompressiounswellen, Scherwellen an Uewerflächewellen. En Äerdbiewen, dat meeschtens duerch e Verrutsche vun Äerdplacke provozéiert gëtt, mécht dës 3 Zorte Wellen, eng Bomm provozéiert haaptsächlech Kompressiounswellen.

D’Verhältnis vun de Magnitudë vun dëse verschiddene Welle gëtt de Fuerscher Indikatiounen, em wat fir eng Origine et sech handelt. Dëse Fall ass kloer: et handelt sech ëm eng Explosioun.

Wéi ëmmer ass d’Realitéit natierlech méi komplizéiert: Eng Bomm vun der Stäerkt, wéi se a Nordkorea gezünt gouf, kann natierlech och aner Äerdbiewen ausléisen. An dësem Fall gëtt gemengt datt en Astuerz vun engem Tunnel en Nobiewe provozéiert huet.

Wasserstoffbomm oder Atombomm?

Wéi staark d’Bomm ass, déi gezünt gouf, ass schwéier ofzeschätzen, well de geologeschen Ënnergrond vun der Testplaz a Nordkorea de Fuerscher ausserhalb vum Land onbekannt ass. Ob et wierklech eng Waasserstoffbomm war, kann een eréischt zu engem spéideren Zäitpunkt mat Radionukléid-Miessmethode feststellen.

Auteur: Joseph Rodesch (FNR)
Editeur: Jean-Paul Bertemes (FNR)
Foto © ECGS - Op der Foto gesäit een d'Bild dat de Seismograph vum ECGS an der Nuecht vun e Samschden op e Sonnden opgeholl huet.

 

Egalement dans cette rubrique

My research in 90 seconds: Outsourcing computational tasks. How can you trust the result?

09.02.18 “Of course, just outsource it to a cloud!” – A common practice for a lot of firms. But is that reliable? Can you trust the result? > Lire l'article complet

Attract : Cesar Pascual Garcia développe la prochaine génération de capteurs médicaux

19.01.18 Les capteurs se répandent également dans le domaine médical : le nanotechnologue Cesar Pascual Garcia contribue à leur amélioration. > Lire l'article complet

MATh.en.JEANS : les maths au quotidien, une aventure passionnante

10.01.18 S’amuser en faisant des maths ? C’est possible ! Le projet MATH.en.JEANS propose aux élèves de vivre une expérience de chercheur(e), en réfléchissant sur de...> Lire l'article complet

LIST : Un revêtement plus léger pour la réduction de la lumière parasite dans l’espace

19.12.17 Une technologie spatiale poids plume : au LIST, Naoufal Bahlawane développe un revêtement ultra-noir pour l’Agence spatiale européenne > Lire l'article complet

Avec « Kniwwelino », les enfants apprennent à programmer dès le primaire

06.12.17 La chercheuse Valérie Maquil du LIST facilite un « apprentissage de l’informatique » en-dehors de l’école > Lire l'article complet

Sur le même sujet