Hëlleft eng Drëpp géint Keelt?

06.12.17

FNRImprimer cet article

Mr. Science, elo kënnt jo esou lues erëm déi kal Joreszäit. Fir virzesuergen hunn ech mir mol mäi Flachmann mat enger Drëpp gefëllt. Wann ech dann erëm mol esou richteg fréieren, kann ech mech mat enger Schlupp opwiermen.

Sou gutt dat vläit deed - dat solls de léiwer si loossen. Dass Alkohol wiermt, ass nämlech falsch. Et ass e Gerücht, dat net stëmmt, mee och net auszerotten ass.

Wisou stëmmt dat dann net?

Alkohol huet verschidde Wierkungen op eise Kierper. Ënner anerem suergt en dofir, dass sech ënnert der Haut d’Oderen ausdehnen. Duerch sie stréimt da méi Blutt. Dat fillt sech zwar sou un wéi wann et dir méi waarm gëtt, mee a Wierklechkeet gëtt d’Blutt dann zousätzlech Kierperwäermt un d’Emgéigend erof.

Dat heescht, ech ginn net waarm, mee verléieren Hëtzt?

Genausou ass et! D’Hëtzt gëtt dengen ënneren Organer wéi Liewer, Mëlz, Häerz entzunn. Genee dat probéiert däi Kierper awer ze verhënneren, wann et der kal ass: E setzt d’Duerchbluddung ënnert der Haut erof, fir d’Hëtzt bannen dran ze halen. Dëse schützenden Effekt mëchs de mat Alkohol futti.

A wat kann da geschéien?

Naja, bei enger Schlupp erleids de keng gréisser kierperlech Schied. Mee Mënschen, déi stark alkoholiséiert a grouss Keelt geroden, kënnen erfréieren, ouni dass se et mierken.

Mee et ginn awer Situatiounen, an deenen de Mënsch Alkohol géint Effekter vun der Keelt kann asetzen. Wanns de z.B. Industriealkohol an d’Killwaasser vun dengem Auto kipps. Do setzt en de Gefréierpunkt vun der Flëssegkeet erof – an de Kühler platzt net duerch Gefréieren.

Auteur: scienceRELATIONS
Editeur: Joseph Rodesch (FNR)
Iwwersetzer: Sophie Steinmetz
Photo: Shotshop

Egalement dans cette rubrique

Geféierlech Stralen: Wisou kritt ee vun ze vill Sonn Hautkriibs?

20.06.18 Wien sech oft a laang ongeschützt an d’Sonn leet, kann Hautkriibs kréien. Mee wisou eigentlech? > Lire l'article complet

Wisou soe munch Léit sou oft ehm oder eh?

22.05.18 Heefeg Ehm oder Eh mécht en Virtrag schwéier verständlech – heiansdo Eh mécht en interessant. Wisou benotze mir dës Lauter beim Schwätzen? > Lire l'article complet

Wisou kann ee sech u Vergiessenes besser erënneren, wann een net doriwwer nodenkt?

18.04.18 Stonnelaang iwwert eppes Vergiessenes nodenke – a kaum denkt een net méi drun, fält et engem erëm an. Wisou ass dat oft esou? > Lire l'article complet

Wisou nëmmen ee Kaddo meeschtens besser ass wéi zwee!

30.03.18 Vill hëlleft vill, dat denke vill Leit (an och vläit den Ouschterhues) beim schenken, a pake bei en Kaddo gären nach eng Klengegkeet dobäi. Keng gutt Iddi, ...> Lire l'article complet

Wanterblues: Hëlleft méi Liicht géint Wanter-Depressioun?

26.01.18 Wann et dobausse gro an dréif gëtt, geet bei ville Leit d’Stëmmung an de Keller. Ka méi Liicht dogéint hëllefen? > Lire l'article complet

Infobox

Mr Science op Eldo Radio

All 2 Wochen beäntwert de Mr Science op Eldo Radio eng Fro. Des Fro gouf an der Sendung vum 6. Dezember 2017 beäntwert.