Chimie am Iessen: Wéi een aus Kachfleesch en zaarte Steak mécht

09.01.17

FNRDiesen Artikel drucken

Mat Hëllef vun engem "Fleeschpech" kann een aus all Stéck Fleesch e leckere Steak zauberen. 

Et hëlt een e Stéck Kachfleesch; et schneit een all d’Seenen an d’Fett eraus a pecht duerno déi kleng Stécker erëm zu engem zaarte Steak zesummen. Dat klengt onrealistesch mee et gëtt gemaach: an der Industrie fir méi vun dem beléiften Steakfleesch ze maachen, awer och vu Stärekäch fir extra Fleeschkreatiounen ze zauberen.

Wat ass dëse Fleeschpech? Wéi funktionéiert en? Ass dat schiedlech Fleesch ze pechen?

All dës Froen, an nach e puer méi, ginn am Mr Science Video beäntwert.

Fleesch pechen ass net sou einfach an et brauch e bëssen Übung bis et klappt. D’Resultat schmaacht awer erstaunlech gutt. Bei d'Enzympolver ginn nämlech nach allerlee Gewierzer bäigemëscht, an sou gëtt d’Fleesch zousätzlech marinéiert.

Auteur: Joseph Rodesch (FNR)
Video: RTL

 

Auch in dieser Rubrik

Iwwerschwemmungen: Liewensgefor am Keller

09.07.18 An engem spektakulären Experiment flut de Mr Science, mat Hëllef vun de Pompjeeën, e Kellerraum wärend deem hie bannendran ass. > Ganzen Artikel lesen

Kann ee Mënsch mat engem Pabeierfliger fléien?

06.04.18 E klenge Pabeierfliger fale ka jiddereen, mee fir e Modell ze bauen, deen eng Persoun droe kann, ass e opwännege Challenge. De Mr Science huet en ugeholl. > Ganzen Artikel lesen

Héijen Drock mat bësse Waasser

01.03.18 An engem spektakulären Experiment, wat de Physiker Blaise Pascal anscheinend scho virun 350 Joer gemaach huet, léist de Mr Science e Glasballon explodéieren...> Ganzen Artikel lesen

Wéi, a wéi vill soll een en Haus isoléieren?

26.11.17 Wann et bausse richteg kal ass, verléieren net isoléiert Haiser richteg vill Energie! Mee wéi verhënnert een dat am beschten, ouni mat Schimmel geplot ze gi...> Ganzen Artikel lesen

Kann ee buerféiss iwwer gliddeg Kuelen goen ouni sech ze verletzen?

22.10.17 Säit dausende Joren gi Mënschen bei reliéisen Zeremonien iwwer Kuelen fir sech ze rengegen oder sech ze befreien. Mee ass et méiglech iwwert d’Kuelebett ze ...> Ganzen Artikel lesen

Infobox

RTL PISA - de Wëssensmagazin

Dëse Reportage gouf fir d'Emissioun Pisa Wëssensmagazin vum 08/01/17 produzéiert. D'Sendung kënnt emol de Mount Sonndes ab 18.30 op RTL Telé Lëtzebuerg.

Déi ganz Sendung fannt dir op pisa.rtl.lu