Nei Sektioun: Ëmweltwëssenschaften am Lycée technique d’Ettelbruck ab der Rentrée 2018-2019

08.02.18

LTEttDiesen Artikel drucken

Déi nei Formatioun fir d’Divisioun „technique générale“ gouf des Woch am Kader vun der Lycéesreform vum Educatiounsminister Claude Meisch ugekënnegt.

D'Sektioun „Sciences environnementales“ (SE) am Lycée technique vun Ettelbréck start op der 2e a bitt och d‘1e un.

„Si bereet Schüler souwuel ob d’Beruffsliewe vir wéi och op Universitéits- oder Héichschoulstudien am Développement durable a méi generell an den Domainer Ëmwelt, Ecologie, Écotechnologien, nohalteg Mobilitéit, Kreeslafwirtschaft an erneierbar Energien“, sou den Educatiounsministère a sengem Dossier Presse.

„Déi nei Sektioun féiert d’Bildung fir nohalteg Entwécklung an. Dobäi geet et drëms Jonker an Erwuessener fir d’Komplexitéit vun eiser Gesellschaft ze sensibiliséieren, si ze motivéieren hiert Behuelen ze änneren a souwuel um lokale wéi um globalen Niveau als responsabel Bierger ze handelen, virun allem am Hibléck op zukünfteg Generatiounen", sou den LtEtt op senger Internetsait.

Wat si konkret Beruffer a méiglech Employeuren an dësen Domainer?

„Als Beruffer kommen vill nei Beruffer a Fro déi et elo nach net ginn, respektiv nach keen Numm hunn“, äntwert de Guy Putz, Proff am LtEtt. Als konkret Beispiller vu méiglechen Employeuren nennt hien z.B. Enovos, Mobilitéitszentral, Ëmweltverwaltung, Berodung a Mëttel- oder Klengbetriber (z.B. beim Hausbau) oder d'Waasserwirtschaftsamt (zousätzlech Beispiller an der Infobox).

„No der 1e SE kann een och op eng Uni goen an z.B. fir Ingenieur studéieren, méi speziell vläicht op der Uni Lëtzebuerg en Bachelor professionnel an Energie & Environnement maachen“, seet de Guy Putz. Ëmwelttechnik kéint een och z.B. zu Tréier (Birkenfeld), Saarbrécken oder Köln studéieren (Bachelor a Masterstudiegäng).

Wéi eng Fächer huet een op der neier Sektioun am Lycée?

D’Léiermethod baséiert op verschiddenen Themen, déi interdisziplinär behandelt ginn: Offall, Energie, Loft/Atmosphär, Mobilitéit, Waasser, Buedem. D’Spezialisatiounsfächer sinn : Écologie (3h), Aspects économiques et juridiques du développement durable (2h), Environnement et technologies (6h) a Physik (3h).

Aner wichteg Elementer si Fallstudien, duerch déi d’Schüler en Abléck an d’sozio-ekonomesch Aspekter vun dësen Domainer kréie sollen, interdisziplinär Projeten, Interventioune vun externen Experten a Stagen an Entreprisen (Beispiller vun externen Experten an Entreprisen fir Stagen an der Infobox).

Donieft zwou Sproochen (Englesch, 3h, an entweder Däitsch oder Franséisch, 3h), Mathé (5h), Connaissances du monde contemporain (2h), ‘Education physique (2h) an nach Optiounsfächer (2h).

Wat sinn d’Viraussetzunge fir d’Sektioun maachen ze kënnen?

Viraussetzunge sinn zolidd Basiskenntnisser an der Mathematik an an den Naturwëssenschaften. Ausserdeem ass eng gutt Allgemengbildung vu Virdeel fir sech kënnen am Kader vum Développement durable spéider um berufflechen Niveau ze positionéieren.

Prinzipiell kënne Schüler vun enger 3e aus enger anerer Sektioun vun der Divisioun technique générale oder vun enger 3e aus dem secondaire classique sech fir d’Sektioun mellen.

Firwat gëtt des Sektioun just am LtEtt ugebueden?

Am LtEtt ginn Ëmweltwëssenschaften, nohalteg Entwécklung a besonnesch erneierbar Energië scho säit dem Joër 2000 thematiséiert, ënner anerem am Kader vu grousse Schoulprojeten wéi z.B. Windmobile, SunCup oder SolarMobility.

Fir de Projet Windmobile, dee souwuel Schüler wéi Proffen eng Plattform bitt sech an interaktiven Ateliere mam Thema Wandkraaft an erneierbar Energien auserneenzesetzen, kruten de Guy Putz a Will Reiter vum LtEtt den FNR Award 2017 for Outstanding Promotion of Science to  the Public vum Fonds National de la Recherche.

D’Sektioun « Sciences environnementales » gouf an Zesummenaarbecht mat enger daitscher Partnerschoul vum LtEtt entwéckelt, der Gottlieb Daimler Schule 2, Sindelfingen, an dem „Landesinstitut für Schulentwicklung, Baden-Württemberg.

Méi Informatiounen

Dossier Presse vum LtEtt: http://www.ltett.lu/wp-content/uploads/2018/02/LTEtt_Section_SE_web.pdf
News op der Internetsait vum LtEtt: http://www.ltett.lu/section-sciences-environnementales-a-partir-de-2018-...
Dossier Presse vum Ministère http://www.men.public.lu/catalogue-publications/themes-transversaux/doss...

Auteurs: MENJE, LtEtt
Editeur: Michèle Weber (FNR)
Illustratioun : LtEtt

 

Auch in dieser Rubrik

Jonk Fuerscher: Résultats du Concours National 2018

28.03.18 Dimanche 25 mars 2018 s’est tenue, la remise des prix du Concours national Jonk Fuerscher. Cette année, la Fondation Jeunes Scientifiques a accueilli le > Ganzen Artikel lesen

Researchers' Days 2018: Aufruf für wissenschaftliche Workshops und Science Cafés

15.03.18 Am Freitag 30. November und Samstag 1. Dezember 2018 kehren die Researchers' Days zurück in die Rockhal in Esch/Belval. Einsendeschluss für Organisatoren vo...> Ganzen Artikel lesen

LIH Science Quest - 2 Stunden „im Laborkittel“ der Forscher für eine spannende Mission!

07.02.18 Ein Forscherteam war dabei eine bahnbrechende Entdeckung zu machen, doch ... dann ist es plötzlich verschwunden!“ Könnt ihr das Projet beenden? > Ganzen Artikel lesen

Science on Tuesdays: Für Grundschullehrer auf der Suche nach Inspiration und Unterstützung

31.01.18 Das SciTeach Center in Belval lädt alle Grundschullehrer/-innen und Erzieher zu einem neuen monatlichen Event ein. > Ganzen Artikel lesen

Scienteens Lab: Wo Schüler für einen Tag zum Forscher werden

22.01.16 Mikroskopie, DNA-Isolierung, Proteinkonzentrationen bestimmen: Am Scienteens Lab können Sekundarschüler und Lehrer was erleben. > Ganzen Artikel lesen

Infobox

Méiglech Employeuren fir Leit mat enger 1e SE

  • Enovos,Creos, CFL, Luxtram, Mobilitéitszentral
  • Superdreckskëscht
  • Kläranlagen
  • Wassersyndikater
  • Ëmweltverwaltung
  • Offallberodung
  • Berodung an Mëttel- a Klengbetriber, z.B. als Beroder beim Hausbau
  • Laboen vun der Uni oder dem LIST
  • MDDI, Waasserwirtschaftsamt, ASTA
  • Gemengen a Ministèren

Experten a Stagen


Verwandte Themen