Parkinson-Studie: Firwat maache Fuerscher aus Haut Gehir?

07.05.18

FNR
University of Luxembourg
LCSB
CHL
IBBL
Diesen Artikel drucken

Fir u lieweg Gehirzellen erun ze kommen, ziichte Fuerscher dës aus Hautzellen, fir am Kader vun enger Etüde iwwer Parkinson drun ze fuerschen.

En Team ronderëm de Professer Rejko Krüger, Fuerscher op der Uni Lëtzebuerg an Dokter am Centre Hospitalier de Luxembourg (CHL), schafft un enger grouss ugeluechter Parkinson Etüde, wou 800 Patienten an och 800 gesond Leit solle matmaachen. D’Ziler sinn, fir dës Krankheet, vun där et vill verschidden Zorte ginn, besser ze verstoen, se méiglechst fréi ze erkennen, a Medikamenter fir en Traitement ze fannen.

Wéi eng Verännerungen am Kierper provozéiere Parkinson?

Leit mat Parkinson hunn ze wéineg vun der Substanz Dopamin am Kierper. Matten am Gehir, an der substantia nigra stierwen Zellen of, déi dës Substanz produzéiere kënnen. Dopamin, wat als Gléckshormon bekannt ass, ass e wichtege Botestoff fir d’Nerven. Dat heescht, datt d’Nerven den Dopamin brauche fir Informatiounen am Kierper weider ze ginn. Wann dëse Botestoff feelt, klappt d’Kommunikatioun tëschent dem Gehir an dem Rescht vum Kierper net méi richteg, wouduerch een net méi richteg goe kann, a verschidde Beweegunge ganz schwéierfälleg ginn.

Wann een als Patient oder Kontrollpersoun bei der Studie matmécht, gi vill Tester gemaach déi d’Koordinatioun vum Kierper iwwerpréiwen. Dëst sinn Konzentratiounsübungen, Motoriksübungen awer och Gerochstester. De Verloscht vum Gerochssënn kann nämlech eng éischt Indikatioun op en Dysfonctionnement vun de Botestoffer sinn.

Jee nodeem wéi intensiv ee bei der Studie matmécht, kënnen och nach verschidde méi invasiv Tester gemaach ginn. De Mr Science kritt am Reportage e Prelevement vun Hautzelle gemaach, déi duerno an der Biobank IBBL (Integrated BioBank of Luxembourg) opbereet ginn, fir dann a Laboe, wéi dem Luxembourg Institute of Systems Biomedecine (LCSB), fir Fuerschungszwecker genotzt ze ginn.

Aus Hautzelle ginn Nervenzellen

Hautzellen si fäerdeg entwéckelt Zellen a kënnen net direkt an Nervenzellen ëmgewandelt ginn, déi een awer fir d’Recherche u Parkinson brauch. Duerch d‘Aktivéierung vu verschiddene Genen an der Hautzell (Fibroplasten) kann dës fir d’éischt a eng sougenannte pluripotent Stammzell ëmgewandelt ginn. Dës Stammzellen, sinn ähnlech wéi déi aus deene mir am Bauch vun eiser Mamm entstane sinn.

© Vita34 AG

Stammzelle kënnen sech an allméiglech aner Zelle verwandelen. Duerch Behandlung mat verschiddene Chemikalien an Hormone bréngen d’Fuerscher et am Labo fäerdeg aus Stammzellen, Nervenzellen ze maachen, wéi se am Gehir virkommen. Dës sinn da genetesch identesch mat de Nervenzellen vum Patient. Dës Ëmwandlungen daueren awer, wéi an der Natur och, e puer Méint.

Huet een d‘Nervenzelle bis geziicht a Symptomer vun der Parkinsonkrankheet erkannt, kann een op dësen Zellen Medikamenter testen, a kucken op een d’Zellen drop reagéieren. Mat der Hëllef vun engem Roboter kënne sou direkt dausende Medikamenter gläichzäiteg getest ginn. Dës Method erméiglecht et fir personaliséiert Fuerschung ze maachen. Et gëtt also net generell gekuckt, wéi sech Standardzelle verhalen, mee et fuerscht een direkt un den Zellen vun der betraffener Persoun.

Éischt Resultater weisen sech, mee dës sinn nach op engem fréie Fuerschungsstand an et wäert nach e laange Wee sinn bis d’Patiente vun den Erkenntnisser profitéiere kënnen.

Boxe géint den Tremor

Am Ufank vum Reportage geet de Mr Science op e Boxtraining, deen vum Parkinsonzenter vu Parkinson Lëtzebuerg zu Leideleng ugebuede gëtt. Boxen an aner sportlech Aktivitéite wierken sech positiv op d’Patienten aus, well dës gezielt Beweegungen d’Dopaminproduktioun beaflosse kënnen. Heiduerch fillen sech Betraffener kuerzzäiteg besser.

Als Patient oder Kontroll bei der Studie mat maachen

Wann dir Interessi hutt bei dëser Studie mat ze maachen, ob als Patient oder Kontroll, da mellt iech op parkinson.lu.

Auteur: Joseph Rodesch (FNR)
Video: RTL 
Illustration 
© Vita34 AG
Merci’en: Dr. Ibrahim “Ibo” Boussaad – Luxembourg Centre of Systems Biomedicine; Géradine Hipp, Sylvia Binck  -  CHL Parkinson Center; Science relations; Lycée Belval – dép. biologie; Dajana Grossmann

Auch in dieser Rubrik

Liichtplanzen: Kënnen iergendwann liichtend Beem Luuchten ersetzen?

13.06.18 „Eis Visioun ass et, eng Planz ze entwéckelen, déi als Bürosluucht benotzt gëtt“, doru gleeft e Fuerscher vum renomméierte Massachusetts Institute of Techno...> Ganzen Artikel lesen

Ginn et Déieren, déi net schlofe mussen?

26.03.18 Mr Science, dëse Weekend war ech esou groggi – ech hu bal nëmme geschlof. Iergendwéi ass dat jo och Zäitverschwendung.> Ganzen Artikel lesen

Gefillten Temperaturen: Wisou et dobaussen heiansdo méi kal schéngt, wéi et ass

28.02.18 D'Wiederprevisiounë ginn net nëmmen déi Temperaturen un, déi den Thermometer den Dag drop moosse wäert, mee dacks och déi gefillten Temperatur. Wat ass dat? > Ganzen Artikel lesen

Zerstéiert Alkohol wierklech Gehirzellen?

12.02.18 E puer iwwert den Duuscht gedronk, an den Dag drop kaum nach Erënnerungen...heescht dat, datt vill Gehierzelle futti gaang sinn? > Ganzen Artikel lesen

Kënnen och Mënschen e Wanterschlof halen?

01.02.18 Kéisécker maachen et, Fliedermais och a Siweschléifer souwisou: Et gëtt vill Mamendéieren, déi e Wanterschlof halen. Wisou net och mir Mënschen? > Ganzen Artikel lesen

Infobox

Dës Etüde gëtt vu 4 Partner duerchgefouert, déi sech am Kader vum NCER-PD programm zesummegeschloss hunn. Hei en Extrait vun der Homepage www.Parkinson.lu :

NCER-PD steht übersetzt für Nationales Zentrum für Exzellenz in der Erforschung der Parkinson-Krankheit. Es handelt sich hierbei um ein Zusammenschluss von 4 Partnern in Luxembourg, die ihr Fachwissen zur Parkinson-Krankheit vereinen. Dieses gemeinsame Forschungsprogramm aller Parkinson-Forschungseinrichtungen in Luxembourg, wird vom Fonds National de la Recherche (FNR) seit dem Frühjahr 2015 finanziert. Die Partnerinstitute sind:

 Außerdem sind folgende internationale Partner-Institutionen am Forschungsprogramm beteiligt:

Paracelsus Elena Hospital in Kassel: DeNoPa Studie unter der Leitung von Prof. Britt Mollenhauer

Hertie Institute for Klinische Hirnforschung, im Deutschen Zentrum für Neurodegenaritive Erkrankungen (DZNE) an der Universität Tübingen: TREND und PMPP Kohorte unter der Leitung von Prof. Daniela Berg

Oxford Parkinson’s disease Center (OPDC) unter der Leitung von Prof. Michele Hu und Prof. Richard Wade-Martins

Um die drängenden Fragen zur Entstehung der Parkinson-Krankheit beantworten zu können, müssen die Forscher klinische Daten und Proben von mehreren hundert Patienten und gesunden Kontrollpersonen untersuchen. Eine rege Beteiligung an der Luxemburger Parkinson-Studie ist daher eine wichtige Voraussetzung für den Erfolg des NCER-PD Forschungsprogramm.

Verwandte Themen