Wéi vill Fuerschung stécht an der Wëndel?

Stell ierch fir et geifen keng Wendelen gin! D’Kanner hätten d’Box voll an mir d’Nues! Mee wéivill Fuerschung stecht hannert der Wëndel?

Stell ierch fir et geifen keng Wendelen gin! D’Kanner hätten d’Box voll an mir d’Nues! Mee wéivill Fuerschung stecht hannert der Wëndel?

Jo! An zwar ass an eise Wëndelen en Superabsorber dran. Daat dierf een sech lo net wie en saugfähege Schwamm firstellen. Daat wäisst Polver kann zwar och ganz vill Flëssegkeet ophuelen mee wann een et auspresst gëtt et d’Flëssegkeet net méi fräi.

A wéi laang gëtt et des Technologie schon?

Réischt säit den 80er. Ganz fréier hunn Mammen hire Puppelcher a Stoffdicher agewéckelt déi mat Sécherheetsspéngele festgemaach goufen an driwwer ass oft eng Wëllen- oder Gummisbox ugedoe gi fir dass näischt soll erauslafen. D’Wëndelen waren awer net dicht an vill Puppelcher krute Hautausschlag. Dësen Ausschlag koum doduerch dass d’Wëndele sinn net uerdentlech gewäsch ginn an net oft genuch gewiesselt si ginn.

An wei hunn se d’Wëndel dann dunn dicht kritt?

Ma et goufen e puer Techniken ausprobéiert! Duerch gesat huet sech d’Baamwollwëndel mat enger Zellstoff Einlag. Déi war an enger Plastikshousse déi een erofhuelen, a mat Knäpp der Gréisst upasse konnt.

Dat heescht dës Wëndel huet een och nach ëmmer wäsche missen?

Jo! Mee nom zweete Weltkrich haten d’Frae wuertwiertlech d’Nues voll! Si hate keng Loscht méi Wëndelen ze wäschen, si wollten hier Fräiheet genéissen. Eng Wëndel fir den eemolege Gebrauch huet missen hier. Vill grouss Firmen un dëser neier Wëndel gefuerscht. An 1961 ass sou eis Wëndel mam Superabsorber entstan. Déi nei biodegradable Wëndelen sinn iwwregens am Fong eng gutt Iddi, mee leider sinn se e bësse sënnlos wëll een se winnt dem Kacka net dierf kompostéieren.

A wéi geet d’Fuerschung weider?

Ma d’Fuerscher schaffen drun eng Wëndel nach méi dënn an opnahmfäheg ze maachen. Et gëtt souguer un Wëndelen getüftelt déi per agebautem Mikrochip eng SMS schreiwen wann d’Wëndel gewiesselt muss ginn!