Wann een am Zuch spréngt, kënnt een dann rëm op där selwechter Plaatz un?

08.07.15

FNRDiesen Artikel drucken
Mr Science, wann een am Zuch spréngt, kënnt een dann rëm op där selwechter Plaatz un?

Als Kand hunn ech et oft ausprobéiert. Wann ech an engem Zuch, dee fiert, an d’Luucht sprangen, da kommen ech erëm op der selwechter Plaz un.

Et kéint ee jo awer mengen, datt den Zuch jo während där Zäit, wou’s du an der Luucht bass, weider fiert. An duerfir misst du vill méi wäit hannen am Zuch rëm opkommen.

Nee, allerdéngs nëmmen, wann den Zuch riicht aus a mat konstanter Vitess fiert. Soss kënnt een tatsächlech e bëssi méi vir oder méi hannen oder méi säitlech un.

Kanns de dat méi genau erklären ?

Wann den Zuch fiert, hunn ech, genau wéi alles ronderëm mech, déi selwecht Vitess wéi den Zuch. Während der Zäit, wou ech an der Luucht sinn, bleiwen ech a Bewegung. Et ass jo näischt do, wat mech bremst. Ech hunn also déi selwecht Vitess wéi den Zuch. Ech bleiwen also genau iwwer där Plaz, vun där ech ofgespronge sinn.

A kommen natierlech och erëm do un. Alles kloer !

Wann den Zuch allerdéngs schaarf bremst während ech an der Luucht sinn, dann gëtt hie méi lues. Ech behale meng Vitess ower bäi a kommen elo méi vir am Zuch op.

A wann s de um Dach vum Zuch stéings, esou wéi een dat an de Filmer mol gesäit ?

Do spieren ech elo d’Loft, déi mer em d’Ouere päift, an déi mech ganz kräfteg ofbremst, wann ech an der Luucht sinn. Ech géif also, vill méi hannen um Zuch opkommen.

Ok. Bannen am Zuch ass d’Loft jo mat a Bewegung a bremst dech duerfir net of !

Richteg ! Et ass eigentlech dat selwecht, wann ech hei am Studio an d’Luucht sprangen.

Wisou ?

Well mir a ganz grousser Bewegung sinn. Wéinst der Äerdemdréiung, wéinst der Bewegung vun der Äerd em d’Sonn, a wéinst der Bewegung vun eisem Sonnesystem em den Zentrum vun der Mëllechstrooss. An trotzdem kommen ech op der selwechter Plaz un, wou ech ofgespronge sinn !

Auteur:  André Mousset (Physiker)
Editeur: Joseph Rodesch (FNR)
Photo © Shotshop.com

Auch in dieser Rubrik

Looping mam Fliger: Bleift Waasser am Eemer wann de Fliger op der Kopp as?

02.05.17 Eng spektakulär Variatioun vum éischten Experiment, dat de Mr Science als Kand gemaach huet. > Ganzen Artikel lesen

Wann een op eng Gedrénks-Béchs klappt, schaimt se da beim Opmaachen net iwwer?

18.01.17 Hëlleft et wierklech, widder eng Gedrénks-Béchs ze klappe fir dass se net iwwerschaimt, a wann jo, op wat muss een dobäi oppassen? > Ganzen Artikel lesen

Wisou schmaacht alkoholfräie Béier sou anescht?

04.01.17 Vill leit rëselen de Kapp bei alkoholfräiem Béier. Mee en huet ëmmer méi Erfolleg. Mee wisou schmaacht en net genee wei d’Original? > Ganzen Artikel lesen

Wann all d'Gletscheren an d'Polkappen schmëlze giffen - giff da Lëtzebuerg ënner goen?

05.09.16 Mr, Science! De Klimawandel ass voll am Gaang.> Ganzen Artikel lesen

Kann ee Liicht an enger Këscht afänken?

27.04.16 Mr Science, e Nolauschterer huet mer do eng zimlech abstrus Fro gestallt. Ass et méiglech Liicht an enger Këscht afänken?> Ganzen Artikel lesen

Infobox

Mister Science op Eldoradio

All 2 Wochen beäntwert de Mister Science op Eldoradio är Froen.
Des Fro gouf den 08/07/2015 opgeholl.
Scheck och deng Fro op: mister.science_at_fnr.lu

 

 

Verwandte Themen