Wat sinn ÉpStan a wat fir eng Feedbackzorte ginn et?

24.11.17

LEARN
University of Luxembourg
Diesen Artikel drucken
Mat beispillhaften Ausschnëtter Klassen- a Schülerfeedback einfach erkläert.

Am Kader vum Lëtzebuerger Schoulmonitoring maachen all d’Klassen aus dem Cylce 2.1, Cycle 3.1 a Ve/9e ufangs vum Schouljoer bei standardiséierten Tester mat. D’ÉpStan si speziell konzipéiert, fir Schlësselkompetenzen am groussen Ëmfang sou standardiséiert wéi méiglech kënnen ofzepréiwen. D’Resultater zu dësen Tester ginn a Form vu 4 Feedbackzorten zréckgemellt: en nationalen Iwwerbléck an een um Niveau Schoul, Klass a Schüler. Hei weise mir beispillhaft Ausschnëtter aus engem fiktive Klassen- a Schülerfeedback.

Wat ass e standardiséierten Test?

E standardiséierten Test ass eng Aart Evaluatioun nieft Leeschtungstester wéi klassesche Prüfungen, Portfolioen oder Observatiounen. Standardiséiert Tester liwwere méiglechst objektiv a fair Réckmeldungen doduerch, dass d’Ausschaffe vum Test, d’Duerchféierung an d’Verbesserungsprozedure genee am Virfeld festgehale goufen.

Beispill vun engem Cycle 2.1 Klassefeedback

D’Schüler am Cycle 2.1 maachen 3 Kompetenztester. Am Klassefeedback gesäit den Enseignant als éischt, wéi vill Schüler sech ënner, um oder iwwer dem Niveau Socle befanne fir all Test. Ausserdeem gesäit den Enseignant (cf. Grafi k 1a), wéi d’Klassemoyenne (schwaarze Krees) par rapport zur Landesmoyenne (grénge Krees) ass.

Besonnesch interessant op de Grafiken ass den Erwaardungsberäich (cf. Encadré), deen erméiglecht, d’Resultater vu Klasse mat ähnleche Schülerpopulatiounen ze vergläichen.

Auswäertung an Informatiounen aus dësem Klassefeedback

Obwuel d’Klass ABC fir den Test „Éischt Schrëtt zur Schrëftsprooch“ liicht ënner der Landesmoyenne läit, fält d’Joresmoyenne an den Erwaardungsberäich, d. h. d’Klass schneit an dësem Test esou of wéi ähnlech zesummegesate Klassen.

D’Klass ABC schneit an de Sproochen allgemeng gutt of. An der Mathematik läit d’Moyenne ënner dem Landesmëttelwäert an ënner dem Erwaardungsberäich, d. h. d’Klass schneit manner gutt of wéi ähnlech zesummegesate Klassen. Wann een sech d’Grafik 1b mat der Schülerverdeelung ukuckt, fält op, dass op d’mannst 9 Schüler méi niddreg Leeschtunge weisen, wéi een sech dat erwaarde kéint. Dëst erméiglecht allerdéngs och, dëse Schülergrupp z‘identifizéieren, fir e méi geziilt ze fërderen an ze motivéieren.

Beispill vun engem Cycle 3.1 Schülerfeedback

Den Enseignant vun all Klass kritt fir all seng Schüler e Feedback vun all Test. Zesumme kënnen dës Resultater e Profi l vun deem Schüler weisen. De Schüler weist gutt Leeschtungen am Héierverstoen an an der Mathematik, awer schneid e bësse méi schwaach of am Liesverstoen. Dëst Resultat sollt a Relatioun bruecht gi mat senge Leeschtungen an der Schoul a muss net onbedéngt op eng Schwächt am Liesen oder Liesverstoen hiweisen. De Schüler hat vläicht zum Testzäitpunkt kee gudden Dag (z. B. Middegkeet, Krankheet).

Allerdéngs ass et wichteg, dass den Enseignant de Schüler an dësem Kontext méi no begleet a fir d’Liese motivéiert, zemools en am Héierverstoe vun däitsche Geschichte ganz gutt ofschneit.

Den nationale Bericht a weider Informatioune fannt Dir ënner: www.epstan.lu

Auteur: LEARN (University of Luxembourg)
Kontakt: Sonja Ugen, Danielle Hoffmann & Caroline Hornung
Foto: LEARN

Auch in dieser Rubrik

Der Wohlstand auf dem Prüfstand: Mehr Geld, aber weniger Zufriedenheit

16.07.18 Mit steigendem Wohlstand steigt auch die Lebensqualität. Das sollte man meinen, stimmt aber so nicht, wie der aktuelle „PIBien-être“-Report von Statec zeigt. > Ganzen Artikel lesen

Rudi Balling in den USA: Versuchung und Wahrheit

13.07.18 Alternative Fakten werden zunehmend als angeblich gültige Argumente in politischen und gesellschaftlichen Diskussionen benutzt. Dadurch entsteht ein wachsen...> Ganzen Artikel lesen

Arbeitslosigkeit bei Hochschulabsolventen: Warum immer mehr Akademiker in Luxemburg auf Jobsuche sind

08.05.18 Innerhalb von zehn Jahren hat sich die Zahl arbeitsloser Hochschulabsolventen verdreifacht. Kommt Luxemburg seiner Bildungsexpansion nicht mehr hinterher? > Ganzen Artikel lesen

Schmerzforschung: Wer ist schmerzempfindlicher - Männer oder Frauen?

03.05.18 Es heißt oft, Männer könnten schon allein deshalb keine Kinder zur Welt bringen, weil sie dafür viel zu wehleidig seien. Doch stimmt das wirklich? > Ganzen Artikel lesen

Forschungstrends: Digitale Hermeneutik - Ein Update für das kritische Denken in den Geisteswissenschaften

27.04.18 Die grundlegende Methode, nach der Historiker arbeiten, ist etwa 150 Jahre alt: die Hermeneutik. Im digitalen Zeitalter wird sie der heutigen Arbeitsweise n...> Ganzen Artikel lesen

Infobox

Wat ass een Erwaardungsberäich?

Fir d’Charakteristike vun de SchülerInnen (Unzuel Jongen a Meedercher, doheem geschwate Sprooch, sozio-ökonomeschen Hannergrond, Unzuel Schouljoer am Lëtzebuerger Schoulsystem, Migratiounshannergrond, etc) ze berécksiichtegen an e faire Feedback kënnen ze ginn, ugepasst un d’Zesummesetzung vun enger Klass berechne mir en Erwaardungsberäich.

Mat alle gesammelten Hannergrondinformatioune gëtt en Intervall berechent deen et erméiglecht d’Resultat vun enger Klass mat ähnlech zesummegesate Klassen ze vergläichen. Fält d’Resultat vun enger Klass an dësen Erwaardungsberäich, sou schneit Klass esou of wéi et statistesch ze erwaarde wier opgrond vun de Charakteristike vun de SchülerInnen.

Wat ass LEARN?


LEARN ass d’Ofkierzung fir Learning Expertise And Research Network, dëst heescht esou vill wéi „Léierexpertise a Fuerschungsnetzwierk“. Wéi eisen Numm et ausdréckt, si mir e Grupp vu Wëssenschaftler a Praktiker, déi sech fir Léierprozesser a Léierschwieregkeeten interesséieren.

​Matarbeschter

Ass.‐Prof. Dr Pascale Engel de Abreu: Fuerscherin/Professeur Associée bei ECCS

Dr Danielle Hoffmann: Neuropsychologin/Fuerscherin bei LUCET

Dr Caroline Hornung: Kognitiv Entwécklungspsychologin, Léierin a Fuerscherin bei LUCET

Prof. Dr Romain Martin: Vice-Recteur vun der Uni.lu a Fuerscher/Professeur bei LUCET

Ass.‐Prof. Dr Christine Schiltz: Fuerscherin/Professeur bei LUCET

Dr Anne-Marie Schuller: Neuropsychologin an EEG‐Expertin bei ECCS

Dr Sonja Ugen: Kognitiv Entwécklungspsychologin/Fuerscherin bei LUCET

​Iwwert den Auteur

Dr Sonja Ugen

Kognitiv Entwécklungspsychologin/ Fuerscherin bei LUCET. D’Sonja intresséiert sech fir d’Entwécklung an d’Léiere vum Liesen a Schreiwe wéi och fir den Afloss vun der Sprooch op d’Veraarbechte vu mathematesche Prozesser an engem multilinguale Kontext.

Dr Danielle Hoffmann

Neuropsychologin/ Fuerscherin bei LUCET. D’Danielle ass drun intresséiert wéi d’Zuelerepresentatiounen sech entwécklen a wéi Zuele verschafft ginn an engem multilinguale Kontext.

Dr Caroline Hornung

Kognitiv Entwécklungspsychologin, Léierin a Fuerscherin bei LUCET. D’Caroline interesséiert sech fir d’Entwécklung vum Rechnen, Liesen a Schreiwen bei jonke Kanner an d‘Faktoren déi dës Léierprozesser beaflosse kënnen (z.B. Exekutivfunktiounen, Sproochenhannergrond...)

Waat ass ECCS?

ECCS ass eng Fuerschungsunitéit op der Universitéit vu Lëtzebuerg, an huet kee Service fir eng Prise en Charge vu Léierschwieregkeete kennen unzebidden. Wann Dier am Kader vun enger Léierschwieregkeet no Hëllef sicht, kontaktéiert w.e.g. ee vun de Servicer di um Terrain schaffen an eng Prise en Charge ubidden

Fir weider Informatiounen

 


Verwandte Themen