Wisou schmaacht alkoholfräie Béier sou anescht?

04.01.17

FNRDiesen Artikel drucken
Mr Science, et ass jo schonn en Wonner vun der Braukonscht, dass een iwwerhaapt Béier ouni Alkohol produzéiere kann. Mee wisou schmaacht en net genee wei den Original?

Dat läit drun dass en anescht produzéiert gëtt. Mat dem Alkohol ginn och wichteg Aromastoffer verluer. Déi maachen awer eréischt de Goût vum Béier aus. Dat kanns du souguer doheem probéieren.

Wei geet dat?

Dofir muss du einfach Béier kachen a waarde bis den Alkohol verdämpt ass.

Dat gëtt dann awer eng zimlech eekleg Britt!

Genee, an dat weist eis d’Problemer, mat deenen och d’Braumeeschtere kämpfen: Beim Erhëtze verdämpe ganz vill Aromastoffer. An déi Aromastoffer déi net verdämpen, veränneren duerch d’Erhëtzen hire Goût.

Also keng sou gutt Iddi…

Nee, trotzdem ass d’Oofdistilléiere vun Alkohol eng vun de Standardmethode fir alkoholfräie Béier ze produzéieren. D’Braumeeschtere maachen et awer bei Ënnerdrock. Doduerch verdämpt den Alkohol scho méi niddregen Temperaturen. Vill Aromastoffer bleiwen sou am Béier An déi, déi verdämpen, fänken d’Braumeeschteren op a mëschen se zréck an de Béier. Dat klappt awer net ëmmer. Dohier kennt den Ënnerscheed am Goût.

Gëtt et da keng aner Method?

Dach, et kann een Alkohol mat Membranen, also super reng Sifter, oftrennen. Déi hunn extrem kleng Lächer an hale vill Aromastoffer zréck. E puer entwëschen awer mam Alkohol. Bei enger drëtter an heefeger benotzter Method, stoppen d’Braumeeschteren d’Gärung ier d’Béierhief ze vill Alkohol produzéiert huet. Mee sou huet d’Hief och wéineg Zäit, Aromastoffer ze entfalen. Déi ideal Léisung gëtt et also nach net. An der Praxis kombinéieren d’Braumeeschteren oft verschidde Methoden. Wei se dat genee maachen, halen se awer streng geheim! An sou schlecht schmaacht alkoholfräie Béier och elo net, oder?

Dat stemmt och erëm…

Auteur: scienceRelations
Editeur: Joseph Rodesch
Iwwersetzer: Sophie Steinmetz
Foto: Pexels

 

Auch in dieser Rubrik

Kann een hannert enger Fënster brong ginn?

07.06.17 Kann ee bei laangen Autosfaarte brong gi – virausgesat d’Sonn schéngt? An kann een hannert enger Fënster souguer en Sonnebrand kréien? > Ganzen Artikel lesen

Looping mam Fliger: Bleift Waasser am Eemer wann de Fliger op der Kopp as?

02.05.17 Eng spektakulär Variatioun vum éischten Experiment, dat de Mr Science als Kand gemaach huet. > Ganzen Artikel lesen

Wann een op eng Gedrénks-Béchs klappt, schaimt se da beim Opmaachen net iwwer?

18.01.17 Hëlleft et wierklech, widder eng Gedrénks-Béchs ze klappe fir dass se net iwwerschaimt, a wann jo, op wat muss een dobäi oppassen? > Ganzen Artikel lesen

Wann all d'Gletscheren an d'Polkappen schmëlze giffen - giff da Lëtzebuerg ënner goen?

05.09.16 Mr, Science! De Klimawandel ass voll am Gaang.> Ganzen Artikel lesen

Kann ee Liicht an enger Këscht afänken?

27.04.16 Mr Science, e Nolauschterer huet mer do eng zimlech abstrus Fro gestallt. Ass et méiglech Liicht an enger Këscht afänken?> Ganzen Artikel lesen

Infobox

Mr Science op Eldo Radio

All 2 Wochen beäntwert de Mr Science op Eldoradio eng Fro. Dës Sendung gouf de 4. Januar 2017 ausgestrahlt.


Verwandte Themen