Wisou trëlle Wolleken net vun Himmel?

10.11.16

FNRDiesen Artikel drucken
Gëschter war wonnerschéint Wierder mat wäisse Schofswolleken am bloen Himmel. Mr Science, wisou bleiwen des Wolleken iwwerhaapt do uewen an trëllen net einfach erof? Se bestinn dach aus Waasserdrëpsen!

Well d´Waasserdrëpsen oder Äiskristaller an de wäisse Wolleken sou kleng a liicht sinn, dass se vun der Loft gedroe ginn. D'Loft Moleküller, déi vun der Äerd opsteigen, stupsen déi winzeg Drëpsen ëmmer erëm vun ënnen un. Eréischt, wann d´Drëpse méi grouss a méi schwéier ginn, falen se als Reen, Knëppelsteng oder Schnéi erëm zréck op d´Äert.

Wei kommen d´Wolleken dann iwwerhaapt dohin?

Wolleken entstinn doduerch, dass d'Sonn Land-oder Waasseruewerflächen erwiermt. D´Loft doriwwer gëtt waarm an d´Waasser aus dem Buedem oder aus de Gewässer evaporéiert. Well waarm Loft méi liicht ass wei kal Loft, klemmt se erop, a mat hir och d'Waasserdeelercher déi evaporéiert sinn.

Méi héich uewen, ass de Loftdrock méi niddreg wei um Buedem. Déi fiicht eropgeklomme Loft dehnt sech aus a gëtt doduerch oofgekillt. Ab enger gewësser Temperatur, dem “Dapunkt”, gëtt dat gasfërmegt Waasser an der Loft flëssegt Waasser. Et entsti winzeg Waasserdrëpsen. Vill Milliarde vun hinne forme schlussendlech eng Wollek.

D'Drëpse si sou liicht, dass de vun de Loftmoleküllen uewe gehalen oder vun nostréimender Loft souguer nach méi héich no uewen transportéiert ginn.

Mee iergendwann reent et dann och.

Jo, an zwar dann, wann ëmmer méi Waasserdamp mat der waarmer Loft erop klemmt an un de klengen Drëpsen an de Wolleke kondenséiert. D'Drëpse ginn dann ëmmer méi grouss, bis se schlussendlech ab engem Zéngtel Millimeter Duerchmiesser oder méi, a Form vu Reen erëm zréck op d'Äerd falen. Sou trëllt d'Wollek dann trotzdem iergendwann erof op d'Äerd.

Auteur: scienceRelations
Editeur: Joseph Rodesch
Iwwersetzer: Sophie Steinmetz
Photo: Wikimedia Commons

Auch in dieser Rubrik

Liichtplanzen: Kënnen iergendwann liichtend Beem Luuchten ersetzen?

13.06.18 „Eis Visioun ass et, eng Planz ze entwéckelen, déi als Bürosluucht benotzt gëtt“, doru gleeft e Fuerscher vum renomméierte Massachusetts Institute of Techno...> Ganzen Artikel lesen

Parkinson-Studie: Firwat maache Fuerscher aus Haut Gehir?

07.05.18 Fir u lieweg Gehirzellen erun ze kommen, ziichte Fuerscher dës aus Hautzellen, fir am Kader vun enger Etüde iwwer Parkinson drun ze fuerschen. > Ganzen Artikel lesen

Ginn et Déieren, déi net schlofe mussen?

26.03.18 Mr Science, dëse Weekend war ech esou groggi – ech hu bal nëmme geschlof. Iergendwéi ass dat jo och Zäitverschwendung.> Ganzen Artikel lesen

Gefillten Temperaturen: Wisou et dobaussen heiansdo méi kal schéngt, wéi et ass

28.02.18 D'Wiederprevisiounë ginn net nëmmen déi Temperaturen un, déi den Thermometer den Dag drop moosse wäert, mee dacks och déi gefillten Temperatur. Wat ass dat? > Ganzen Artikel lesen

Zerstéiert Alkohol wierklech Gehirzellen?

12.02.18 E puer iwwert den Duuscht gedronk, an den Dag drop kaum nach Erënnerungen...heescht dat, datt vill Gehierzelle futti gaang sinn? > Ganzen Artikel lesen

Infobox

Mr Science op Eldo Radio

Dës Emissioun leeft all 2 Wochen op Eldo Radio.


Verwandte Themen