FNR

De Joseph vu science.lu weist Dir am Experiment vum Dag, wéi ee mini kleng Insekten, déi am Bëschbuedem liewen, beobachte kann. Dofir brauchs de allerdéngs en digitale Mikroskop, deens de fir manner wéi 20 € online bestelle kanns. Fir e puer Insekten aus dem Buedem erauszekréie kanns de de Buedem z.B. siften. Eng aner Méiglechkeet ass et, fir  en Triichter mam Buedem op e Glas ze stellen a vun uewen hell ze beliichten. Da falen déi kleng Insekten an d'Glas a kënne beobacht ginn. Wichteg ass datt net ze vill Buedem matkënnt well ee soss d’Insekten net sou gutt zu Gesiicht kritt. Denk och drun duerno d’Déiere rëm zréck an de Bësch ze bréngen.

Wärend der ganzer Zäit vum COVID-19 Homeschooling verfilme mir vu science.lu all Dag ee klengt Experiment fir Dech, wat ee mat wéineg Material doheem nomaache kann. Eis Zieler: Dech virwëtzeg maachen, Dech un d’staunen kréien an Dir d‘Freed um experimentéiere weider ginn.

Kuck net just de Video mee maach d‘Experiment no!

Dat mécht vill méi Spaass an dobäi mécht een dacks nach aner intressant Beobachtungen. Also sich d’Material an da lass!

Heiansdo klappt et net bei der éischte Kéier – dat ass normal – kuck de Video nach emol genee oder sich am Internet no enger anerer Beschreiwung vum Experiment.

Vill Spaass beim nomaachen!

Däin Team vu science.lu

Aussi intéréssant

Kanéil-Effekt Zapp deng Hand an d'Waasser ouni datt se naass gëtt

En Experiment mat deem een sech selwer am meeschten erstaunt. 

FNR
Osmos Erschreck deng Matbewunner mat Ierbessen

Gedréchent Leguminosen (DE : Hülsenfrüchtler) quëllen op wann een se an d’Waasser leed. Mir weisen iech wéi een heimat s...

FNR
Experiment: Zongebatterie Wéi schmaacht elektresche Stroum?

Mat 2 verschidde Metaller kanns de op denger Zong en ongeféierlechen elektreschen Stroum schmaachen.

FNR

Aussi dans cette rubrique

Originell Chrëschtdagskaart Mol een elektresche Stroumkrees – mat leitfäeger Tënt

Et gi Stëfter mat Tënt oder Faarf, déi Stroum leede kann. Domadder kann een kreativ ginn an nach eppes dobäi léieren!

Mikroskopie Kuck méi genee - mat engem klengen digitale Mikroskop

Mat dësem einfache Mikroskop dat sou grouss ass wéi eng Täscheluucht kanns Du dir op dengem Computer, Tablett oder Smartphone Detailer ukucken, déi fir d’Aen villäicht souguer onsiichtbar sinn.

FNR
Partytrick Balancéier eng Béchs

Aus enger (bal) eideler Béchs gëtt eng Ballerina déi sech am Krees dréint.

FNR