(c) Alex Loban Shotshop.com

An zwar net, wëll hire Schweess gëfteg oder ongesond wier, mee well mäi Kierper einfach net esouvill Flëssegkeet géif verdroen! Och wann se net zevill schwéier schaffen, schweesst all Mataarbechter 100-200 ml den Dag! An engem Büro wéi z.B. beim RTL sinn dat dann 12 Liter Schweess den Dag!

Iiihh! Dass mer permanent schweesse fir eis Kierpertemperatur ze reegelen ass jo OK, mee wee kéim dann op d’Iddi fir dat ze drénken??

99% vum Schweess si Waasser. Esou schlecht fir sech ze hydratéiere wier en also guer net. Dee leschte % sinn awer Salzer, a Mineralstoffer déi eise Kierper probéiert mam Schweess lass ze ginn! Mee dee Schweess richt neutral! Et ass just deen ënnert den Ärm an tëscht de Been dee bësse méi speziell richt, well do zousätzlech och nach Fetter a Proteinen dra sinn. Déi sinn zwar u sech gerochlos, mee se ginn op der Haut vu Bakterie verdaut, an dat Produkt sténkt wann een et net regelméisseg ofwäscht!

Dat klengt zwar bëssen eekeleg, mee firwat giff ech dann dovu stierwen?

1 % Salz, dat ass net extrem vill, mee awer däitlech méi wéi am Drénkwaasser! Mierwaasser ass zwar nach e bësse méi salzeg, mee den Effekt ass awer dee selwechten! Duerch de Salzgehalt dréchent eise Kierper aus! Dat gesäit ee jo schonn, wann een an d’Mier schwamme geet, da gëtt d’Haut ganz dréchen. Wann een dat dann och nach drénkt, da verdréchent een och nach vu bannen, an dat mécht eise Kierper net ganz laang mat! 

Auteur: Corinne Kroemmer
Foto ©Alex Loban Shotshop.com

Infobox

Mister Science op RTL Radio

1mol d'Woch présentéiert de Mr Science op RTL Radio spannend wëssenschaftlech Kuriositéiten.

Aussi dans cette rubrique

Zaunkönig
Vullegesang Wéi brénge winzeg Villercher et fäerdeg sou haart ze sangen?

Sangvullen hunn zwou speziell Strukturen an hirem Kierper: Loftsäck an e besonnescht Stëmmorgan.

FNR
D'Wierkunge vun der Spermaflëssegkeet Ass Sperma gesond?

Bei ville Koppele gehéiert Oralverkéier beim Sex dozou. Zum Schluss kënnt d'Ejakulatioun. Ass et eigentlech gesond, de Sperma ze schlécken?

FNR
Physik vum Schifueren Firwat kënnt ee mat moderne Schi esou einfach an d'Kéier?

Mister Science, vill Lëtzebuerger si grad an der Schivakanz. Fréier, mat mengen ale Schi, hat ech den Androck, datt d'Kéierefuere vill méi schwéier war ewéi elo mat moderne Schi. Wéi kann dat sinn?

FNR