© RTL

Extrait aus dem PISA Wëssensmagazin

Paprika ass dat Geméis mam meeschte Vitamin C! Nee, streng geholl hu Planze wéi Spackelter a Sanddorn nach méi dovun, mee dës ginn net an deene selwechte Quantitéite consomméiert. D’Mr Science Experiment gouf dofir matt Paprika duerchgefouert well dëse sech einfach am réien, wéi am zoubereeten Zoustand manipuléiere léisst. Säi Vitamin C Gehalt läit ëm 140 mg pro 100g Fruucht.

Folgend Vitaminkillermethode goufe getest:

  • Am Waasser kachen (15 min)
  • E Smoothie mixen an eng Stonn stoe loossen.
  • Frittéiere bei 180 °C (5 min)
  • Dampfgarer (10 min)
  • Mikrowell (2 min)
  • Afréieren an entdeeën (iwwer 3 Deeg)

All Experiment gouf e puer Mol duerchgefouert an d’Resultater jeeweils matt frëschem Paprika verglach. Mir wëllen allerdéngs drop hiweisen datt dëst keng wëssenschaftlech Studie war. Verschidde wëssenschaftlech Studien zum Thema[1] kommen awer zu ähnleche Conclusiounen.

Resultater:

Kachend Waasser léist Vitamin C eraus an ass doduerch eise Vitaminkiller N°1.

Eng Zopp ass awer kee Problem well een do d’Kachwaasser mattësst.

E Smoothie muss ee frësch drénken well hei d’Vitaminne sech séier zersetzen.

Folgenden Tableau wéist wéi vill Prozent vum Vitamin C bei eise Versich futti gaange ass.

Bei de Kachzäiten hu mir probéiert, Zäiten anzehalen, déi och an der Kichen üblech ginn. Dëst erklärt dat gutt Resultat vun der Mikrowell par Rapport zum Dampfgarer.

Am Dampfgarer ginn, bedéngt duerch déi méi laang Garzäit, méi Vitamin C wéi an der Mikrowell zerstéiert.

Mir roden awer vun der Preparatioun vu réiem Paprika oder Brokkoli an der Mikrowell of, well et hei zu lokale verbrannte Platze komme kann duerch elektresch Entluedungen. Mikrowellegeräter si besser gëeegent fir gekachten Iesswueren opzewiermen.

Dës Resultater gëllen net fir all déi aner Vitaminnen.

Vitaminne si chemesch gesi ganz ënnerschiddlech Verbindungen déi aner Verfallseegeschaften hunn. D’Feinde vun de Vitaminne sinn awer all déi selwecht: Léisungsmëttel, Sauerstoff, Hëtzt, Zäit an UV-Luucht.

Selwer Experimentéieren

Et ass relativ einfach dëst Experiment selwer nozemaachen. Wëlls du selwer nach aner Methoden testen, da klick hei fir eng Versuchsbeschreiwung.

Auteur: Joseph Rodesch (FNR)
Produktion: RTL

 


[1] Effect of cooking on the antioxidant properties of coloured peppers Ai Mey Chuaha, Ya-Chi Leeb, Tomoko Yamaguchic, Hitoshi Takamurac, Li-Jun Yine, Teruyoshi Matobac

 

Infobox

RTL PISA - de Wëssensmagazin

Dëse Reportage gouf an Zesummenaarbecht mat RTL Télé fir d'Emissioun Pisa Wëssensmagazin produzéiert. D'Sendung kënnt eemol de Mount Sonndes ab 19:00 op RTL Télé Lëtzebuerg. Déi ganz Sendung fënns de op https://rtl.lu/tele/pisa-de-wessensmagazin

Aussi intéréssant

Nobelpreise 2026 Nobelpreis Chemie 2026: Antworten auf ein Jahrhundert altes chemisches Rätsel

Zwei Chemiker erhielten heute den Nobelpreis für Reaktionen, die wichtig sind u.a. für die Herstellung von Medikamenten ...

Wanter-Experiment Bau e Schnéimännchen ouni Schnéi – a looss e schmëlzen

Bakpolver, Salz, e bëssi Spüli, Waasser, Deko, Esseg – a lass! En einfacht Experiment fir d’Chrëschtvakanz fir virwëtzeg...

FNR
Expérience d'hiver Peins des flocons de neige avec du sel

Peins avec de l'eau salée sur du papier foncé – et dès que l'eau s'évapore, des cristaux de sel blancs apparaissent !

FNR

Aussi dans cette rubrique

Verkéiersfuerschung Hëllefen automatiséiert Autoe Phantomstauen z’evitéieren?

En Auto bremst kuerz, a méi wäit hanne steet op eemol alles. Fuerassistenzsystemer an automatiséiert oder autonom Autoe kënnen esou Phantomstauen ofschwächen. Entscheedend ass, wéi se reagéieren.

FNR
Killwaasser Benotzen oder verbrauche Rechenzentre Waasser?

Fir net ze iwwerhëtzen, brauche Rechenzentre Waasser. Wat passéiert eigentlech domat? Dat hänkt virun allem vun der Killtechnik an dem Stroummix, deen agesat gëtt, of.

FNR
E-Zigaretten Vapen oder Fëmmen: Wat ass méi schiedlech?

Vapes respektiv E-Zigarette si längst am Alldag ukomm. Mee wéi vill wësse mir eigentlech iwwer dat, wat mir do anootmen?

FNR