FNR

D'Michèle vu science.lu weist Dir haut en Experiment.

D’Michèle vu science.lu weist Dir am Experiment vum Dag, wéi een aus engem Milkshake an 10 Minutten eng Glace kritt (Amplaz vun engem Milkshake kanns de och einfach Mëllech mat Vanillszocker mëschen). Du brauchs heifir Äiswierfelen (besser nach crushed ice) a grafft Salz. D’Salz léist d’Äis zwar schmëlzen, mee déi flësseg Salz-Äismëschung killt awer bei dësem Schmëlzen of, sou datt een eng Flëssegkeet kritt, déi e puer grad ënner Null ass. Fëll Däi Shake elo an eng Zip-Tut an da kills de dës Tut an der Äis-Salz-Mëschung e puer Minutten of, bis de Shake zu enger Glace gëtt. Du kanns dofir deng Äis-Salz-Mëschung an deng Zip-Tut entweder an eng eidel Chips-Dous oder a méi eng grouss Zip-Tut maachen. Wichteg: dat Ganzt muss wärend dem Fréiere gerëselt ginn, well nëmmen sou entstinn déi richteg Zort Äis-Kristaller déi d’Glace schéi cremeg maachen. Gudden Appetit!

Wärend der ganzer Zäit vum COVID-19 Homeschooling verfilme mir vu science.lu all Dag ee klengt Experiment fir Dech, wat ee mat wéineg Material doheem nomaache kann. Eis Zieler: Dech virwëtzeg maachen, Dech un d’staunen kréien an Dir d‘Freed um experimentéiere weider ginn.

Kuck net just de Video mee maach d‘Experiment no!

Dat mécht vill méi Spaass an dobäi mécht een dacks nach aner intressant Beobachtungen. Also sich d’Material an da lass!

Heiansdo klappt et net bei der éischte Kéier – dat ass normal – kuck de Video nach emol genee oder sich am Internet no enger anerer Beschreiwung vum Experiment.

Vill Spaass beim Nomaachen!

Däin Team vu science.lu

Auch interessant

Experiment: Zongebatterie Wéi schmaacht elektresche Stroum?

Mat 2 verschidde Metaller kanns de op denger Zong en ongeféierlechen elektreschen Stroum schmaachen.

FNR
Waasser-Experiment En Zauberspill mat Waasser a Plastikspärelen

Eng Karaff ass mat Waasser gefëllt. Déi aner mat Plastikspärelen. Wéi kritt een d'Plaze vun deenen 2, mat Hëllef vun eng...

FNR
Blumen-Experiment Verwandele weiße Tulpen in farbige!

Mit nur wenig Material, kannst Du in kurzer Zeit weiße Tulpen (oder andere Blumen) in farbige verwandeln.

FNR

Auch in dieser Rubrik

UV-empfindliche Perlenkette Wie gut schützt meine Sonnencreme?

Durchsichtige oder weiße UV-Perlen werden farbig, wenn Sonnenstrahlen auf sie fallen. So kannst Du deine (alte) Sonnencreme testen.

FNR
Experiment: Zongebatterie Wéi schmaacht elektresche Stroum?

Mat 2 verschidde Metaller kanns de op denger Zong en ongeféierlechen elektreschen Stroum schmaachen.

FNR
Waasser-Experiment En Zauberspill mat Waasser a Plastikspärelen

Eng Karaff ass mat Waasser gefëllt. Déi aner mat Plastikspärelen. Wéi kritt een d'Plaze vun deenen 2, mat Hëllef vun engem Béierdeckel, vertosch?

FNR