19/6/1783: Den Apdikter Friedrich Sertürner gëtt gebuer. Als jonken Assistent identifizéiert hie Morphium a beschreift seng Wierkung.

(c) Armin Kübelbeck

Den 19. Juni 1783 kënnt den Apdikter Friedrich Sertürner op d’Welt. Nodeems Aarbechtskollegen eng nei planzlech Substanz am Opium entdeckt hunn, identifizéiert de Sertürner se als Morphium. Säit iwwer 200 Joer gëtt Morphium zanterhier op der ganzer Welt benotzt.

Als Schmäerzmëttel, nee?

Genee. D’Doktere verschreiwen et ëmmer nach als Medikament, an zwar well et quasi keng Niewewierkungen huet, dovun ofgesinn dass et ofhängeg mécht. Dofir ass Morphium och laang als Drog benotzt ginn, well et däi Schmäerzëmfanne verännert an euphoresch mécht. A well et dengem Kierper net allze vill schued, gouf Morphium och eng Zäitlaang als Entzéiungskur agesat, fir vu méi schiedlechen Droge lasszekommen.

Wéi ass de Sertürner dann iwwerhaapt drop komm, dass Morphium déi Wierkungen huet?

Andeems en Morphium u sengem Hond, an dono u sech selwer, ausprobéiert huet! Dat kléngt e bëssen almoudesch, mee trotz modernen Technike gëtt dat haut och nach esou gemaach. Mee natierlech a méi engem gereegelte Kader, während klineschen Tester, nodeems d’Medikament fir d’éischt am Labo, an dacks och op Déieren, getest ginn ass.

Ma da war de Sertürmer e motivéierten an engagéierte Fuerscher!

Auteur: Corinne Kroemmer
Editeur: Joseph Rodesch
Foto © Armin Kübelbeck

Infobox

Mr Science op RTL Radio

1mol d'Woch présentéiert de Mr Science op RTL Radio d'Erfindung oder den Entdecker vum Daag.

 

Auch in dieser Rubrik

 Kierperhygiene Wierken Deoe wierklech géint Schweessgeroch?

Grad am Summer gräifen der vill ganz selbstverständlech zum Deo. Awer hëlleft dee wierklech? A brauch iwwerhaapt jiddereen en Deo?

FNR
Konflikter tëschent Generatiounen Gen Z vs. Babyboomer: Wien ass méi faul?

Iwwer d'Gen Z soe munch Leit, se wier méi faul ewéi eeler Generatiounen, z. B. d'Babyboomer. Wat stécht dohannert? Huet d'Wëssenschaft tatsächlech Beleeg dofir? Oder ginn hei nëmme Klischeeë bedéngt?

FNR
Stoffwiessel Firwat ass Kacka brong?

Iwwer dat, wat mir op der Toilette ausscheeden, schwätze mer net oft, obwuel et vill iwwer eis Gesondheet verréit. Firwat ass Stull eigentlech brong? A firwat ass Urin giel?

FNR