Haut virun 115 Joer huet den Doud vum Alfred Nobel de Grondsteen fir den Nobelpräis geluecht. An haut zenter 110 Joer fënnt d’Präisiwwerreechung vum Nobelpräis zu Stockholm statt.

D’Erfindung vum Dynamit, engem Sprengstoff dee méi sécher ze handhaben ass wéi de rengen, flëssegen Nitroglycerin, , aus dem en zu 75% besteet, ass nëmmen den Ufank vum Nobel senger Legend. Als geniale Geschäftsmann huet e ronn 80 Fabrike rondrëm seng 355 Patenter opgebaut an ass domat fuerchtbar räich ginn.

Mee wéi eng franséisch Zeitung  emol irrtëmlecherweis behaapt huet:  “ […]le marchant de la mort est mort”-an dobäi huet en nach gelieft - gouf den Här Nobel nodenklech. Als Pazifist war et him net geheier dass seng gréissten Erfindung zu enger vun de geféierlechste Krichswaffe ginn ass. Fir säin Numm erëm an d’richtegt Liicht ze bréngen, huet en a sengem Testament festgehal dass säi ganze Räichtum an d’Grënnung vun enger Fondatioun soll fléissen. An déi, mir kënnen eis et schonn denken, vergëtt bis haut den Nobelpräis!

Text: Corinne Kroemmer

Infobox

Mister Science op RTL Radio

1mol d'Woch présentéiert de Mister Science op RTL Radio d'Erfindung oder den Entdecker vum Daag.

Quellen

Aussi dans cette rubrique

 Technik am Alldag Kann een op enger Induktiounskachplack en Handy oplueden?

Induktiounskachplack a Chargeuren ouni Kabel iwwerdroen alle béid Energie. Trotzdeem kann een op der Kachplack kee Smartphone oplueden. Well hir Technik ënnerscheet sech grondsätzlech.

FNR
sperm and egg cell
Reproduktiounsbiologie Gewënnt bei der Befruchtung wierklech de séierste Spermium?

Vill Leit stelle sech d'Befruchtung vun der Eezell wéi eng Course vir: Dee séierste Spermium gewënnt. Mee eigentlech ass et en Hindernisparcours, bei deem de weibleche Kierper d'Reegele mat bestëmmt....

FNR
Drogensucht
Drogesucht Firwat maachen Drogen eigentlech ofhängeg?

Ween ze vill an ze laang Droge consomméiert, ka säi Kierper ruinéieren an Aarbecht, Frënn a Famill verléieren. Firwat ass et trotzdeem sou schwéier, opzehalen?

FNR