Ouni des Erfindung hätten d'Englänner haut keen sou e perfekte Wuess: Den 31. August 1830 gouf déi éischt Méimaschinn an England patentéiert.

Marcus Obal via Wikimedia Commons

Eréischt wéi Sportaarte wéi Fussball, Cricket, Rugby a Golf populär gi sinn, koum d’Iddi vun enger Méimaschinn op.

Ouni des Erfindung hätten d'Englänner haut keen sou e perfekte Wuess: da missten se mat der Schéier hiren englesche Wues an der Rei halen! Den 31. August 1830 gouf déi éischt Méimaschinn an England patentéiert.

Deemools war en englesche Wues nach net denkbar! Eng normal Wiss konnten och just déi sech leeschten, déi e Gäertner haten. Eréischt wéi Sportaarte wéi Fussball, Cricket, Rugby a Golf an England populär gi sinn, ass d’Iddi vun enger Méimaschinn opkomm.

1830 huet dunn den Edwin Budding ugefaang seng mechanesch Méimaschinn ze produzéieren an ze verkafen. Si hat awer nach kee Motor, se huet also misse vun engem Päerd gezu ginn. D’Päerd kruten dofir grouss mëll Schlappen un, fir d’Grass net platt ze trëppelen. Et huet nach weider 30 Joer gedauert bis de Mënsch selwer d’Méimaschinn konnt zéien oder drécken, an nach eng Kéier 30 Joer bis déi éischt motoriséiert Méimaschinnen opgetaucht sinn.

Biller vun der éischter Méimaschinn fannt dir iwwert d'Linken an der Infobox. 

Text: Corinne Kroemmer
Photo © Marcus Obal via Wikimedia Commons

Aussi dans cette rubrique

 Killwaasser Benotzen oder verbrauche Rechenzentre Waasser?

Fir net ze iwwerhëtzen, brauche Rechenzentre Waasser. Wat passéiert eigentlech domat? Dat hänkt virun allem vun der Killtechnik an dem Stroummix, deen agesat gëtt, of.

FNR
E-Zigaretten Vapen oder Fëmmen: Wat ass méi schiedlech?

Vapes respektiv E-Zigarette si längst am Alldag ukomm. Mee wéi vill wësse mir eigentlech iwwer dat, wat mir do anootmen?

FNR
Ausserierdesch Signaler Wéi sicht d'Wëssenschaft no ausserierdesche Signaler?

Wat geschitt, wann d'Mënschheet e Signal vun ausserierdeschem Liewen entdeckt? Nei international Richtlinne leeë fest, wéi d'Wëssenschaft da soll virgoen. Mee wéi sicht se iwwerhaapt no Signaler?

FNR