D’Mary Kies: déi éischt Fra, déi e Patent krut!

Calvert Litho. Co.

1809, huet d’Mary Kies als alleréischt Fra e Patent kritt

D’Mary Kies: déi éischt Fra, déi e Patent krut!

1809, huet d’Mary Kies als alleréischt Fra e Patent kritt, 19 Joer no der Erfindung vum Patentamt. Deemools war dat zimlech revolutionär, well d’Fraen an Amerika hu keen eegene Besëtz onofhängeg vun hirem Mann dierfen hunn. All Erfindung vun enger Fra huet also misse vun hirem Mann patentéiert ginn.

Nodeems d’Mary Kies mam gudde Beispill fir gaang ass, hunn sech lues a lues Fraen duerchgesat fir hir Erfindunge selwer ze patentéieren. Trotzdem ass et an deenen 30 Joer duerno just 20 Frae gelongen. An der Tëschenzäit sinn et der e puer méi : 2010 goufen 18% vun den neie Patenter u Frae verginn, an et ginn der ëmmer méi !

Text: Corinne Kroemmer
Foto (CREDIT: Calvert Litho. Co., lithographer. Head-and-Shoulders Image of Brunette Woman, Facing Right, Wearing Large Blue Hat, 1892. Prints and Photographs Division, Library of Congress. Call Number POS - TH - STO, no. 11 (C size))

Infobox

Mister Science op RTL Radio

1mol d'Woch présentéiert de Mister Science op RTL Radio d'Erfindung oder den Entdecker vum Daag.

Quellen

Aussi dans cette rubrique

 Emotional Tréinen Firwat kräische mer vu Freed oder Trauregkeet?

Bei staarken Emotioune schéissen eis dacks Tréinen an d’Aen. Mee wéi een Zweck huet dat?

FNR
Schlofmangel Firwat kréie verschidde Leit donkel Reefer ënnert d’Aen?

D’Nuecht war kuerz, an da leien d’Ae Moies an donkelen Hielen. Wou kommen dës Aereefer hier? A wat kann een dogéint maachen?

FNR
Mondhygiène Firwat kritt ee Mondgeroch?

Moies virum Zännwäschen oder no enger gudder Ënnenzopp kee Kuss. Mondgeroch, oder Halitosis, ka bei ville Leit virkommen, mee wéi kënnt et dann iwwerhaapt dozou, dass een aus dem Mond ka sténken?

FNR