Graff iwwert den Daum gepeilt verbraucht e Lift 2.000 Kilokalorie fir eng Persoun 1 Stack erop ze beförderen. Brauch ech lo méi oder manner Energie wann ech d'Trapen huelen?

(c) ColdShine

Fir ee Stack Trapen erop ze goen, verbrennt de Mënsch 5-10 Kilokalorien. Fir erauszefannen, wéi vill Energie e Lift verbrauch, dat ass scho méi schwéier.

Dat hänkt dovun of, ob e mechanesch mat Géigegewiichter gezu gëtt oder mat engem hydraulesche System funktionéiert, wéi schwéier en ass, wéi vill Leit dra sinn an op de Lift erop oder erof geet. Esouguer d’Hiersteller kënnen dat net genee aschätzen. Mee graff iwwert den Daum gepeilt verbrauch e Lift 2.000 Kilokalorie fir eng Persoun ee Stack erop ze beförderen. Also ongeféier 200 mol méi Energie wéi wann ech zu Fouss géif goen!

2.000 Kilokalorien! Dat sinn der jo awer schonn e puer!

Jo, dat läppert sech zesummen! Mam Equivalent vun 2.000 Kilokalorien Energie leeft deng Tëlee zum Beispill schonn 1 Stonn! An an engem Joer verbrauch e Lift an engem 5-stäckege Bürosgebai esou vill Energie wéi eng Famill fir hire ganze Stot brauch!

A mir hu jo och net nëmmen ee Lift am Gebai! Also keng Ausriede méi, d’Schung gestréckt a lass! An als klenge Plus mécht een och nach eppes fir seng eege Gesondheet!

Auteur: Corinne Kroemmer

Foto © ColdShine

Infobox

Mister Science op RTL Radio

1mol d'Woch présentéiert de Mr Science op RTL Radio spannend wëssenschaftlech Kuriositéiten.

     
Quellen

Auch in dieser Rubrik

 Klimamodeller Wéi kann ee mat Klimamodeller d'Klima vun der Zukunft projezéieren?

Wéi gi Klimamodeller entwéckelt a wéi ënnerscheeden se sech vu Wiederprevisiounen?

FNR
Emotional Tréinen Firwat kräische mer vu Freed oder Trauregkeet?

Bei staarken Emotioune schéissen eis dacks Tréinen an d’Aen. Mee wéi een Zweck huet dat?

FNR
Schlofmangel Firwat kréie verschidde Leit donkel Reefer ënnert d’Aen?

D’Nuecht war kuerz, an da leien d’Ae Moies an donkelen Hielen. Wou kommen dës Aereefer hier? A wat kann een dogéint maachen?

FNR