Wann et gutt kal dobaussen ass, kann ee wonnerbar Seefeblosen-Äiskristaller maachen.

FNR

An dësem Experiment weise mir, wéi ee gefruere Seefeblose maache kann.

Waasser féiert bei 0°C. Fir datt Seefeblose fréieren, brauch een, eiser Erfarung no, awer déif Minustemperature vun ënner -5°C, well de Prozess séier goe muss. Ausserdeem däerf net ze vill Wand sinn. Fir d’Blose gutt beobachten ze kënnen, bléist een d‘Seefeblosen direkt am Kontakt mat Schnéi oder Äis op.

Als Seefebloseléisung kann een einfach eng 50:50-Mëschung aus Waasser a Spüli huelen. Blose kann een z. B. mat engem Stréihallem maachen. Kleng Blose fréien iwwregens méi séier.

Fir gutt Fotoen ze maachen, knipst een am beschte moies fréi oder owes spéit géint d’Luucht.

Wann d’Seefeblosen net fréieren, kann et doru leien, datt d’Loft, mat där mer d’Seefeblos opblosen ze waarm ass. Et muss ee méiglechst vill kal Loft anootmen an dës direkt an d’Blos fëllen. Oder maacht d’Blose mat enger Vëlospompel an engem Stréihallem.

Vill Spaass beim Experimentéieren.

Auteur: Joseph Rodesch (FNR) a Melanie Reuter (FNR)

Auch interessant

Experimentieren
Science-Trick En Hiewel hëlleft hiewen

Mat dësem klenge Science-Trick ka souguer e Kand en Erwuessenen „ophiewen“.

FNR

Experimentieren
Experiment Erzeuge ein Vakuum in einer Flasche mit Hilfe einer Verbrennung

Vorsicht: nicht für Kinder geeignet

Experimentieren
Experiment Looss eng Béchs duerchsichteg ginn!

Eng Béchs besteet dach aus Metall - oder? Wéi soll déi dann duerchsichteg ginn? Ma dat ass guer net sou schwéier an du k...

FNR