Wann d'Sonn am Summer dréckt, dehnt d'rout Bréck sech aus. Ass de Wee op d'Aarbescht am Wanter also méi kuerz?

(c) Fiischen

D'Rout Bréck ass ganz aus Stol gebaut, a wann d’Sonn am Summer drop dréckt, dann dehnt de Stol sech aus an d’Bréck gëtt bis zu 25 cm méi laang!

Heescht dat elo dass ech am Wanter manner wäit lafe muss wann ech vum Kierchbierg an d’Stad wëll?!

Nee, eigentlech net. Well d’ Bréck esou eppes lieweges an dynamesches ass, hunn d’Bréckeningénieure virgesuergt. An der Strooss selwer sinn Dehnungsfugen. Déi sinn elastesch a ginn einfach zesummegequëtscht wann d’Strooss sech mat der Bréck ausdehnt. D’Bréck selwer gëtt zwar méi laang, mee si däerf jo näischt op den zwou Säiten auserneen drécken! Dofir sinn 4 grouss Rullen tëscht dem Sockel an der Bréck. D’Bréck rullt also hin an hier wann se sech ausdehnt oder zesummenzitt!

Ok, eng Bréck ass jo dann nach laang net esou fest wéi ee géif mengen. Mee de Wee vum Kierchbierg an d’Stad bleift op alle Fall dee selwechten, Summer wéi Wanter!

Auteur: Corinne Kroemmer

Foto © Fiischen 

Infobox

Mister Science op RTL Radio

1mol d'Woch présentéiert de Mr Science op RTL Radio spannend wëssenschaftlech Kuriositéiten.

 

Quellen:

Auch in dieser Rubrik

 Kierperhygiene Wierken Deoe wierklech géint Schweessgeroch?

Grad am Summer gräifen der vill ganz selbstverständlech zum Deo. Awer hëlleft dee wierklech? A brauch iwwerhaapt jiddereen en Deo?

FNR
Konflikter tëschent Generatiounen Gen Z vs. Babyboomer: Wien ass méi faul?

Iwwer d'Gen Z soe munch Leit, se wier méi faul ewéi eeler Generatiounen, z. B. d'Babyboomer. Wat stécht dohannert? Huet d'Wëssenschaft tatsächlech Beleeg dofir? Oder ginn hei nëmme Klischeeë bedéngt?

FNR
Stoffwiessel Firwat ass Kacka brong?

Iwwer dat, wat mir op der Toilette ausscheeden, schwätze mer net oft, obwuel et vill iwwer eis Gesondheet verréit. Firwat ass Stull eigentlech brong? A firwat ass Urin giel?

FNR