FNR

D’Lucie huet eis e Video erageschéckt an deem et weist wéi een mat engem Blat Kichepabeier an e puer Stëfter en Zauberbild moolt. Wann een de Kichepabeier an eng Schossel mat Waasser leed, gëtt en liichtduerchlässeg, an sou kann een dëse genialen Effekt provozéiere vun engem Bild wat sech selwer moolt.

Duerch d’Waasser gëtt d’Loft, déi am Kichepabeier tëscht den Zellulosefaseren ass erausgedréckt. Am dréchenen Zoustand kënnt d’Liicht net duerch de Pabeier duerch well d’Liichtstralen all kéier wann se op eng Faser oder op Loft treffen an all Richtunge gestreet gëtt. Doduerch wierkt de Pabeier och wäiss. Waasser a Faseren sinn sech awer méi änlech wéi Loft a Faseren an doduerch gëtt d’Liicht vill manner am naasse Pabeier gestreet – d’Liicht geet also op engem méi direkte Wee duerch de Pabeier an doduerch wierkt dësen duerchschéngend.

Wärend der ganzer Zäit vum COVID-19 Homeschooling verfilme mir vu science.lu all Dag ee klengt Experiment fir Dech, wat ee mat wéineg Material doheem nomaache kann. Eis Zieler: Dech virwëtzeg maachen, Dech un d’staunen kréien an Dir d‘Freed um experimentéiere weider ginn.

Kuck net just de Video mee maach d‘Experiment no!

Dat mécht vill méi Spaass an dobäi mécht een dacks nach aner intressant Beobachtungen. Also sich d’Material an da lass!

Heiansdo klappt et net bei der éischte Kéier – dat ass normal – kuck de Video nach emol genee oder sich am Internet no enger anerer Beschreiwung vum Experiment.

Vill Spaass beim nomaachen!

Däin Team vu science.lu

#Experimenterdoheem – Concours

Film Dech oder maach eng Foto beim Experimentéieren a probéier bei eisem Concours ze gewannen. Méi Infoen fënns Du hei:

Auch interessant

Experiment Looss eng Béchs duerchsichteg ginn!

Eng Béchs besteet dach aus Metall - oder? Wéi soll déi dann duerchsichteg ginn? Ma dat ass guer net sou schwéier an du k...

FNR
Phototropismus Können Pflanzen tanzen?

Pflanzen können Licht “sehen” und sich in einem geschlossenen Karton durch ein kleines Labyrinth Richtung Sonnenlicht be...

FNR

Auch in dieser Rubrik

Science Trick  Blos eng Käerz hannert enger Fläsch aus 

Dësen Trick klappt wéinst dem sougenannte Coanda-Effekt, deen ënnert anerem och hëlleft, e Fliger an der Loft ze halen.  

FNR
Waasser-Experiment Hief en Äiswierfel mat engem Fuedem a Salz op

Duerch dëst Experiment fënns Du och eraus, firwat am Wanter Salz op d’Stroosse gestreet gëtt.

FNR
Optik Maach Reebou-Pabeier mat Neellack

Een ebësse méi extraen Pabeier - ganz einfach selwer maachen mat Neellack

FNR