(c) RTL
Vum Ersatzstéck fir d'Vëlospompel bis zur Mr Science-Mangafigur - den 3D-Printer mécht et méiglech! De Mr Science erkläert am PISA Magazin iwwer Erfindungen an Innovatioun, wéi 3D Printer funktionéieren.
Haut nach fir Spezialisten a muer fir jiddereen zougänglech: 3D Printer. Fir Designer, Ingenieuren a Fuerscher bidd des Technik ganz nei Méiglechkeeten a wäerte muer och jiddwerengem doheem aushëllefe fir alldeeglech Objeten ze ersetzen. De Mr Science kuckt wéi wäit des Technik ass a geet op Besuch bei Tsume Art, eng Firma déi dës Technik professionell asetzt.
Am Rescht vun dësem PISA-Magazin ginn nach e puer aner Iddie presentéiert:
- d'Bluttanalyse vun der Zukunft - ouni laang Nol?
- e kënschtlechen Daarm vu Lëtzebuerg deen hëllefe kéint, Krankheete méi fréi ze erkennen
- Beton, deen sech selwer fléckt.
Dat ganzt kombinéiert mat engem Abléck an déi nei Ausstellung "Eppur si muove" am MUDAM, bei där revolutionär Technik a modern Konscht openeen treffen.
Mat mat beim Mr Science Quiz a gewannt en USB-Mikroskop!
Weider Informatiounen:
3 D Printer ginn ëmmer méi bëlleg mee sinn trotzdem deier fir den, dach nach begrenzten, Notzen. A sougenannten FABLAB’s (fabrication labratory) kann een 3D Printer an aner Produktiounstechniken (oft gratis) testen. Kuckt op de jeeweilegen Internetsitte fir d’Ouverture Zäiten
Adresse vu FABLAB’s:
Level2 Hackerspace : 87 route de Thionville an der Staat
Info ënner www.Level2.lu
FABLAB Luxembourg : Technoport 9, Avenue des Haut-Fourneaux zu Esch/Belval
Info ënner : www.fablablux.org
Makerspace : Lycée technique d’Ettelbruck 71, Avenue Salentiny zu Ettelbréck
Info ënner : http://makerspace.ltett.lu/
Auteur: Joseph Rodesch (FNR)
Produktioun: RTL
Infobox
De Pisa Wëssensmagazin kënnt all zweete Sonnden ab 18.30 op RTL Telé Lëtzebuerg.
