Propper a wäiss Zänn, frëschen Otem a gesond Zännfleesch – Zahnpasta ass schonn eng praktesch Saach! Wat stécht eigentlech vu Fuerschung an der Zahnpasta?

(c) shotshop.com

Propper a wäiss Zänn, frëschen Otem a gesond Zännfleesch – Zahnpasta as schonn eng praktesch Saach! Wat stécht eigentlech vu Fuerschung an der Zahnpasta?

Déi éischt Zahnpastaen waren iwwerhaapt keng Paste mee en Polver. Réischt duerch den Zousaz vu Glyzerin ass aus dem Polver dunn eng Crème ginn, a fir dass des net ausdreschent gouf se an Tuben verpaakt.

An duerch d’Zahnpasta haten d’Leit kee Karies méi?

Ma dach! Bis zu dësem Zäitpunkt hunn d’Zahnpastaen d’Zänn nämlech just gebotzt an net geschützt. Et huet nach e bëssi misse gefuerscht gi bis dunn Fluorid an Zahnpasta komm ass. Duerch de Fluorid ënnerstëtzt d’Zahnpasta net nëmme méi d’Schruppe vun der Zännbiischt mee se stäerkt a schützt d’Zänn viru Karies.

A säit wéini gëtt et dann Zahnpasta?

Zahnpasta gëtt et scho ganz laang. Scho 5000BC sollen d’Ägypter eng Aart Zahnpasta aus Äsche vun Hufen an Eeërschuele benotzt hunn fir d’Zänn ze botzen. Saithier goufe vill verschidde Rezepter vun Zahnpastaen ausprobéiert an 1800 koum d’Zahnpasta a Masseproduktioun.

Wéi geet et weider mat der Zahnpasta-Fuerschung?

Fuerscher hunn z.B. eng Zahnpasta mat klenge chemesche Kugelen entwéckelt déi sech am Mond opléisen. Si léisen Téi a Roudwain Verfierwungen aus den Zänn a leeën sech wi en Film driwwer; de Knascht pärelt dann einfach of. Des weidere schaffe Fuerscher ëmmer nees drun, fir verschidde Substanzen optimal mateneen ze kombinéieren. Nanotechnologie wäert och eng ëmmer méi grouss Roll an Zukunft spillen.

Dat heescht et geet ëmmer vier mat der Fuerschung!

Jo, dat ass jo dat spannend…

Auteur: Sophie Steinmetz
Editeur: Joseph Rodesch (FNR)
Photo: shotshop.com

Infobox

Mr Science op RTL Radio

1mol d'Woch présentéiert de Mr Science op RTL Radio wat fir eng Fuerschung hannert engem Objet aus dem Alldag stécht.

 

Auch in dieser Rubrik

 Plackentektonik Wéi gesinn d'Kontinenter an enger Millioun Joer aus?

D'Kontinenter bleiwen net fix op enger Plaz. Se driften – lues, mee konstant. Wéi wäit komme se an enger Millioun Joer? A wou läit dann de Grand-Duché? E Bléck an déi geologesch Zukunft.

FNR
Falentherapie Botox: Wéi hëlleft dat déidlechst Gëft vun der Welt géint Falen?

Botox ass ronn eng Millioun mol méi déidlech wéi d’Gëft vun enger Kobra, an awer loosse vill Mënschen sech et sprëtzen, fir méi schéin auszegesinn. Wéi wierkt et eigentlech?

FNR
Outdoorkleedung Kann eng dënn Jackett geneesou waarm halen ewéi eng déck?

Eng dënn Funktiounsjackett ka geneesou waarm halen ewéi en décke Parka. Mir erklären, mat wat fir engen techneschen Tricker bei Material, Passform a Wandschutz dat geléngt.

FNR