Wéi wierkt e Rausch?

Wat mécht Kiffen matt eisem Kierper? Wat hu Cannabis an eng Klunsch gemeinsam? 

Verschidde Cannabiszorten enthalen déi psychoaktiv Substanz THC. Gesetzlech ass et zu Lëtzebuerg, wéi an deene meeschte Länner och, verbuede Cannabis ze konsomméieren. An awer hunn zu Lëtzebuerg matt 18 Joer 2 vu 5 Jugendlecher scho mindestens eemol gekifft [1]. De Mr Science beschäftegt sech allgemeng mam Rausch a kuckt méi genee mam Dr Jean- Marc Cloos (Psychiater) wéi de Cannabis op d’Gehir wierkt.

Cannabis gëtt mëttlerweil net méi zu deenen haarden Droge gezielt. Et ass e Rauschmëttel wéi Alkohol an Tubak och an huet genee wéi dës och seng positiv a negativ Eegeschaften. Et ass oft eng Fro vun Dosis an Ëmfeld an deem ee konsomméiert. En iwwerméissege Konsum vu Cannabis kann dem Dr Jean-Marc Cloos no, bei Jugendlecher, bei deenen d’Gehir nach an der Entwécklungsphase ass, bleiwend Gedächnisschied hannerloossen.

Méi Informatiounen zum responsabelen Ëmgang matt Cannabis an aner Rauschmëttel fannt dir bei der Suchtpräventioun (www.cept.lu). De Schlëssel fir net an eng Sucht ze verfalen, sief et vum Cannabis oder eppes anescht läit doran aus ville verschiddene Ressource seng Liewensenergie ze huelen. Dësen « Trampolinsmodell » gëtt am Video erkläert.

[1] http://bit.ly/1Gskf1Q Säit 44 fig 2.8.

Auteur: Joseph Rodesch (FNR)
Produktioun: FNR & RTL