Kleng Kanner spille gären an der Sandkëscht. Heiansdo stiechen se sech dobäi och e bësse Sand an de Mond oder iessen en souguer. Kennen se dovu krank ginn?

© Dreamstime

Wat am Sand ass wierklech geféierlech?

Mr Science, wéi geféierlech ass et, wann kleng Kanner an der Sandkëscht spillen an do en Stéck vum Sandkuch probéieren? Ginn se dovu krank?

Wann an der Sandkëscht wierklech nëmme Sand ass, da muss du dir keng Suerge maachen. Sand geet einfach duerch de Mo an Daarm a lant dann an der Wëndel. Allerdéngs muss de drop uecht ginn, dass keng Déieren d’Sandkëscht als Toilette benotz hunn.

Ah lecker... a wat maachen ech wa mäi Kand zum Beispill e Stéck Kacka an de Mond stécht?

Dat ass zwar eekleg, an der Reegel awer keng Katastroph. An Déierekot kennen allerdéngs Krankheetserreeger a Wierm sinn. Da muss een einfach an der Zäit dono drop oppassen, ob d‘Kand Bauchwéi kritt, sech oft um Hënneschte kraazt oder ob s de Wierm am Kacka entdecks. Dee Moment misst een bei de Kannerdokter.

Wat ass da wierklech geféierlech an der Sandkëscht?

Zigaretten a Glasschierbelen! Wann s de gesäis, dass e Kand en Stommel an de Mond hellt, muss de direkt agräifen, well den Nikotin am Tubak immens gëfteg ass. Wann et schonns op der Zigarett knat oder de Stommel ofgeschléckt huet, kanns de den 112 uruffen. Trotzdem keng Panik: Liewensgeféierlech ass dat bal ni.

Op ëffentleche Spillplaze solls de awer léiwer virdrun de Sand iwwerpréiwen an däi Kand am Ae behalen. Am eegene Gaart geet et duer, d’Sandkëscht owes ofzedecken. Dann bleift de Sand propper genuch fir ouni Suergen e Stéck vum Sandkuch ze probéieren.

Wier et dann net am beschten, Kanner guer net méi an der Sandkëscht spillen ze loossen?

Nee, dat wier souguer schiedlech! Kanner mussen einfach alles upaken an an de Mond stiechen, nëmmen sou begräifen se d’Welt. Ausserdeem trainéieren se sou hiert Immunsystem. Eng plus minus gefleegte Sandkëscht ass dofir wei gemaach!

Auteur: scienceRelations
Editeur: Joseph Rodesch
Iwwersetzer: Sophie Steinmetz
Foto: Dreamstime

Infobox

Mr Science op Eldo Radio

 

 

All 2 Wochen beäntwert de Mr Science op Eldo Radio eng Fro. Des Fro gouf an der Sendung vum 12. Abrëll 2017 beäntwert. 

 

Aussi intéréssant

Recherche au Luxembourg
Famille et enfants Avantages et inconvénients de la garde d'enfants universelle au Luxembourg

Comment se présentent les services de garde d'enfants au Luxembourg et comment se positionnent-ils par rapport à d’autre...

Liser

Recherche au Luxembourg
Vie familiale et activité professionnelle L'évolution du congé parental au Luxembourg du point de vue d’une chercheuse

Quelles ont été les répercussions des changements apportés au régime de congé parental ? Et comment se présente le congé...

Liser

Mr Science
Screentime fir Kanner Wéi vill Zäit sollte Kanner virum Ecran verbréngen?

Smartphone, Spillkonsol, Telé, Computer - grouss oder kleng Ecranen si jo haut fest an eis Liewen integréiert. Mee wéi v...

FNR

Aussi dans cette rubrique

 Physik vum Schifueren Firwat kënnt ee mat moderne Schi esou einfach an d'Kéier?

Mister Science, vill Lëtzebuerger si grad an der Schivakanz. Fréier, mat mengen ale Schi, hat ech den Androck, datt d'Kéierefuere vill méi schwéier war ewéi elo mat moderne Schi. Wéi kann dat sinn?

FNR
Wanterblues Hëlleft méi Liicht géint Wanter-Depressioun?

Wann et dobausse gro an dréif gëtt, geet bei ville Leit d’Stëmmung an de Keller. Ka méi Liicht dogéint hëllefen?

FNR
E-Auto vs Verbrenner  Ass den Elektroauto méi ëmweltfrëndlech?

De Mr Science analyséiert d'Wëssenschaft hannert dëser Fro a kuckt sech den CO2-Foussofdrock iwwert d'Liewensdauer vun deenen zwee Autostypen un.

FNR