„Léieren“ heescht dass all Zort vun Informatiounen an Erfahrungen am Gehir gespäichert ginn.

D'Schoul geet rëm un. Proffe probéieren eis Saache bäizebrénge mat Geschichten, Beispiller, Experimenter etc. Et gëtt vun de Schüler erwaard fir dat alles ze „léieren“ an an der Prüfung erëmzeginn. Mee wat ass eigentlech „léieren“?

Ma „Léieren“ heescht dass all Zort vun Informatiounen an Erfahrungen am Gehir gespäichert ginn. Dobäi muss d’Gehir net nëmmen Informatiounen ophuele mee och Lien tëscht Informatioune maachen.

Wat genee geschitt do an eisem Kierper?

D’Informatioun gëtt ënner Form vun Nerveverbindunge gespäichert. Eist Gehir besteet aus e puer Milliarden Zellen, an all Zell ka gläichzäiteg mat e puer dausend aner Zelle Verbindungen agoen. Sou eng Verbindung ass sou eppes wéi en Aarm vun Zell zu Zell. Duerch d‘Verbindung vu verschiddenen Zellen entsteet eng Aart Zellcode, wat e sech ka virstelle wéi eng Zort Barcode. Iwwert des Verbindunge ginn elektresch a chemesch Signaler vun Zell zu Zell iwwerdroen, an sou kënnen d’Informatioun och aktiv benotzt ginn. Et ginn e puer 100 Trilliarde Méiglechkeete wei d’Zellen sech kenne verbannen an organiséieren.

Also eng 1 matt 14 Nulle – so a wat wier, wann all des Verbindungen opgebraucht wieren oder wann sech eng Informatioun déi gespäichert ass ännert?

Ma des Verbindungen sinn net permanent, an dofir verhale mir jo och laang net alles. Wann d’Verbindung net benotzt gëtt, gëtt se rëm opgeléist, an da kënnen sech rëm nei Verbindunge forméieren.

Ech léiere jo grad eppes, heescht dat dass ech grad nei Nerveverbindunge maa?

Jo, genee. Pass op dass de der elo kee Knuet dra mëss!

Text: Corinne Kroemmer

Infobox

Mister Science op Eldoradio

All 2 Wochen beäntwert de Mister Science op Eldoradio är Froen.
Dës Fro gouf den 04/10/11 opgeholl

Scheck och deng Fro op: mister.science_at_fnr.lu

Ënnerscheed tëscht Jongen a Meedercher

D‘anatomesch Ënnerscheeder an der Gehirstruktur sinn immens grouss. Zum Beispill sinn bei Meedercher d’Nerveverbindungen tëscht deenen zwou Gehirhalschenten dacks besser. Doduerch gi méi Informatiounen ausgetosch an d’Meedercher kennen dann zum Beispill besser zwou Saache matenee maachen. Verschidden Regiounen am Gehir kenne sech och bei Meedercher e puer Joer méi frei entwéckele wéi bei Jongen. Dofir kennen d‘Jongen am Schoulalter méi Problemer hu fir nozelauschteren oder auswenneg ze verhalen. Dofir hu si awer dacks méi Liichtegkeet fir mat Symboler an abstrakte Konzepter ëmzegoen. Si hunn et also méi einfach an der  Mathé an der  Physik.

Sou huet jiddereen seng Stäerkten a Schwächten. Déi Ënnerscheeder tëscht Jongen a Meedercher kann een och net verallgemengeren. Heiansdo sinn d’Ënnerscheeder tëscht zwee Jongen oder zwee Meedercher nämlech méi grouss wéi tëscht engem Jong an engem Meedchen.

Fuerschung zu Lëtzebuerg

Dr Magali Perquin a seng Fuerscherequippe aus dem CRP Santé hu erausfonnt dass méisproocheg Leit manner Risiko hunn fir am Alter Gedächnisproblemer ze kréien an aner neurologesch Krankheeten ze entwéckelen. Een deen 3 Sprooche schwätzt huet dräi mol manner Risiko, een deen all Dag mat zwou Sprooche jongléiert huet 4 mol manner Risiko.

Aussi intéréssant

Résumer une thèse en trois minutes Inflammation du système nerveux : recherche sur la maladie de Parkinson dans un mini-cerveau

La doctorante Sònia Sabaté Soler travaille au LCSB sur l’optimisation de modèles 3D du mésencéphale et est l’une des gag...

Résumer une thèse en trois minutes Parkinson: plus qu'un simple trouble du mouvement

Laure Pauly effectue des recherches sur la mémoire procédurale dite rétrograde des patients atteints de la maladie de Pa...

Modèles précliniques Faire progresser le traitement personnalisé du cancer grâce aux « avatars » de patients


Le LIH, en collaboration avec des partenaires de recherche, a établi une collection de modèles précliniques de tumeurs c...

LIH

Aussi dans cette rubrique

Genetik Kënnen DNA-Tester eis soen, wou mir hierkommen?

Kann ee mat engem DNA-Test erausfannen, wou seng Vireltere gewunnt hunn?

FNR
Eidechse ohne Schwanz
Autotomie a Regeneratioun Firwat werfe munch Déiere Kierperdeeler of?

Firwat kënne munch Déiere Kierperdeeler ofwerfen an dann nees nowuesse loossen?

FNR
Mr Science  Wéi kënnen Buedemdéieren eis am Kampf géint de Klimawandel ënnerstëtzen? 

Mikroorganismen, wéi Bakterien a Pilzer, am Buedem zersetzen dem Mr Science säi Kalzong bannent 6 Wochen quasi komplett mee si kënnen nach vill méi...  

FNR, RTL