An engem spektakulären Experiment flut de Mr Science, mat Hëllef vun de Pompjeeën, e Kellerraum wärend deem hie bannendran ass.

RTL

D'Wucht vum Waasser léist d'Kellerfënster baschten

D’Biller am Video schwätze vir sech: de Keller gëtt, méi séier wéi ee mengt, zu enger Fal wou eng Persoun ouni Hëllef net méi eraus kënnt. Vill Waasser bedeit vill Kraaft déi op ee Coup optauche kann, mee et ginn och eng Rei indirekt Geforen, déi ee gäre vergësst: Bei ale Stroumalimentatiounen, kann een am Waasser e Stroumschlag kréien. Duerch Produiten déi am Keller lagere kann d’Waasser staark verknascht oder vergëft ginn, a un Objeten, déi ronderëm schwammen, kann een sech verletzen.

Wéi kann een den Drock, dee Waasser provozéiert, berechnen?

Den Drock ass just ofhängeg vun der Héicht an net vun der Mass. Wann d’Waasser ee Meter héich steet, ass den Drock um Buedem 0,1 Bar. Den Drock ännert iwwert d’Héicht et muss een also mat enger Moyenne vum Drock rechnen. Dës läit bei 0,05 Bar, wat 5000 N/m2 Newton (N) pro Quadratmeter (m2) sinn. Op enger Fënster vun engem Quadratmeter laascht also an dësem Fall eng Kraaft vu 5000 Newton, wat engem Gewiicht vu 500 kg entsprécht.

Bei fléissendem Waasser kënnt awer nach eng kinetesch Energie dobäi, déi vun der Masse vum Waasser a vun der Vitesse ofhänkt.

Firwat ass d’Kellerdier blockéiert?

D’Waasser stoung bei eisem Versuch op enger Säit vun der Dir méi héich wéi op där aner Säit. Scho bei enger Héichtendifferenz vum 30 cm Waasser vu bannen op baussen, drécken 150 kg op d’Dir (1 Meter breet), wat et onméiglech mécht fir d’Dir ouni Hëllefsmëttel op ze kréien.

De Fazit ass kloer: Bei Héichwaasser op kee Fall an de Keller goen.

Merci’en:
CGDIS Diddeleng: fir déi ganz Virbereedung an d’Ënnerstëtzung
Fräschmänner: fir d’Sécherheet beim Tournage
André Mousset: fir d’physikalesch Iwwerleeungen
Dirk Gion, Ingo Knopf: fir d’Iddien an d‘Beroodung

Produktioun: RTL
Auteur: Joseph Rodesch

Infobox

PISA - de Wëssensmagazin op RTL

Dëse Reportage gouf an Zesummenaarbecht mat RTL Télé fir d'Emissioun Pisa Wëssensmagazin produzéiert. D'Sendung kënnt eemol de Mount Sonndes ab 19:00 op RTL Télé Lëtzebuerg. Déi ganz Sendung fënns de op https://rtl.lu/tele/pisa-de-wessensmagazin

Aussi intéréssant

Expérimenter
Science-Trick En Hiewel hëlleft hiewen

Mat dësem klenge Science-Trick ka souguer e Kand en Erwuessenen „ophiewen“.

FNR
Metall Gegenstände

Mr Science
Rätsel aus dem Alldag Wou kënnt metallesche Geroch hier?

Firwat richen eigentlech eng Mënz oder aner metallesch Géigestänn wéi zum Beispill e Schrauweschlëssel oder Dierklensche...

FNR

Expérimenter
Luftdruck Fais adhérer des gobelets à un ballon de baudruche – sans utiliser de colle

Ce diable ballon a un vide faible entre les deux oreilles.

FNR

Aussi dans cette rubrique

 Mimetismus an Tarnung Firwat kënne verschidden Déieren hir Faarf änneren?

Mr. Science, firwat kënnen Déieren ewéi Chamäleonen, Séipäerdercher oder Tëntefësch hir Faarf änneren? Bréngt dat hinnen iergendeng Virdeeler?

FNR
Menstruatioun Firwat hu Frae Péng, wa se hir Reegel hunn?

Fir munch Fraen ass et all Mount dat selwecht: Wa se hir Reegel hunn, hu se esou wéi, dass se bal net kapabel sinn, eppes ze ënnerhuelen. Wouhier kënnt eigentlech dës Péng?

FNR
D’Sënner schäerfen Kann ee seng Sënner duerch Training verstäerken?

Muskele loosse sech trainéieren. D’Ausdauer och. An d’Sënner? Well Perceptioun am Gehier entsteet an dëst verformbar ass, misst et wuel méiglech sinn.

FNR