Dat muss eng impressionant Fra gewiescht sinn. Huet si net 2 Nobelpräisser gewonnen ? A war et net déi éischt Fra déi iwwerhaapt ee gewonnen huet ? An déi éischt Fra déi en Doktertitel krut ? An déi...

Dat muss eng impressionant Fra gewiescht sinn. Huet si net 2 Nobelpräisser gewonnen ? A war et net déi éischt Fra déi iwwerhaapt ee gewonnen huet ? An déi éischt Fra déi en Doktertitel krut ? An déi éischt Fra déi Unisprofesser war ?

Dach! Et war a villen Hisiichten déi éischt Fra! Haut ass hiren 144 Gebuertsdag, mee mir feieren dëst Joer och den 100-jäerege Jubiläum vun hirem zweeten Nobelpräis. Deen éischte war an der Physik, virun 108 Joer, an deen zweeten an der Chimie, an zwar fir d’Entdeckung, d’Beschreiwung an d’Isolatioun vun engem radioaktive chemeschen Element, dem Radium. Och am Privatliewe war et éischter eng Fra vu groussen Dote wéi vu grousse Wierder ! Si huet d’Schoulausbildung vun hiren 2 Meedercher selwer an d’Hand geholl an se all Dag mat an en aner Labo geholl. D’Method huet sech bewäert: d’Irène ass an den Elteren hier Fussstapfe getrëppelt an huet och en Nobelpräis gewonnen!

Text: Corinne Kroemmer

Infobox

Mister Science op RTL Radio

1mol d'Woch présentéiert de Mister Science op RTL Radio d'Erfindung oder den Entdecker vum Daag.

Quellen

Aussi dans cette rubrique

 Ausserierdesch Signaler Wéi sicht d'Wëssenschaft no ausserierdesche Signaler?

Wat geschitt, wann d'Mënschheet e Signal vun ausserierdeschem Liewen entdeckt? Nei international Richtlinne leeë fest, wéi d'Wëssenschaft da soll virgoen. Mee wéi sicht se iwwerhaapt no Signaler?

FNR
Physik am Alldag Firwat knuppen Diere bei Duerchzuch zou?

Wann Diere bei Duerchzuch zouknuppen, stécht net einfach nëmme Wand dohanner. Entscheedend sinn Drockënnerscheeder, déi Loft a Beweegung setzen – an d'Tatsaach, datt d'Dier d'Loft selwer och beweegt.

FNR
Blëtzableiter Kéint een Energie aus Blëtzer gewannen?

An engem Blëtz stécht dach ganz vill Energie. Kënne mir déi vläicht notzen?

FNR