RTL, FNR
D’Sproochwëssenschaftler sinn sech eens, den Accent dee mir hunn ass déif mat eiser Perséinlechkeet verwuerzelt. Mir kréien en quasi an d’Wéi geluecht. En Accent si Lauter a Melodien, déi mir vun eisem enksten Ëmfeld schonn a ganz jonkem Alter iwwerhuelen, an dat schonn ier mir schwätze kënnen.
En Accent verréit vill iwwert eis Originnen, well all Regioun liicht aner Gewunnechten am schwätzen huet. Et ass guer net einfach fir säi gewinnten Accent ofzeleeën. Mee dat muss een och net. Am Contraire gëtt en Accent meeschtens als eppes Schéines an Interessantes wouer geholl. A Castinge fir Film an Theater sinn Accente mëttlerweil dacks erwënscht well se engem Personnage méi Charakter ginn.
De Mister Science test wéi liicht Testkandidaten e Lëtzebuerger Accent am Däitschen erkennen, a kuckt mat enger Lëtzebuerger Fuerscherin wéi eng Sazmelodie typesch fir Lëtzebuerger ass, a wéi déi sech vun deenen Däitschen ënnerscheet. An engem Crashcour an der Dictioun probéiert hien ee Saz op perfekt däitsch ze soen - ob him dat geléngt … ?
Merci’en: Danièle Gaspart, Judith Manzoni
Auteur: Joseph Rodesch
Produktioun: RTL
Diffusioun: 24.3.19
