Virus

shotshop.com

Estimatiounen no ginn et méi Viren op der Äerd wéi Stären op eisem Nuetshimmel.

Mr. Science, d'Welt leit zanter Méint ënner enger neier Form vu Coronavirus. Deen huet Millioune Mënsche krank gemaach an Honnertdausenden d'Liewe kascht. D'Wirtschaft geet a ville Länner an d'Knéien. Mee si Viren eigentlech ëmmer schiedlech? Oder kënne si och nëtzlech sinn?

Jo, dat kënne si. Vire sinn iwwerall. Estimatiounen no ginn et méi Viren op der Äerd wéi Stären op eisem Nuetshimmel. Si kommen a Mënschen, Déieren a Planze vir; an Ozeaner, Bëscher a sauere Quellen. Bekannt si virun allem Viren, déi krank maache kënnen - an z.B. AIDS, Ebola, Kriibs, Gripp oder Herpes provozéiere kënnen. Mee vill Viren erfëllen och wichteg Aufgaben an der Natur.

Wéi eng zum Beispill?

Viren droen zu engem ökologesche Gläichgewiicht bäi: Si verhënneren, datt Déieren- oder Planzenaarten Iwwerhand huelen an aner Aarte verdrängen. So hale Viren z.B. am Mier d'Ausbreedung vun Algen an der Gitt. 

Nëtze Viren dann och dem Mënsch?

Jo, och dat maache se. Am mënschleche Kierper ginn et z.B. Viren-Zorten, déi exklusiv Bakterië befalen - sougenannte Phagen. An des Bakterie kënnen da vun dëse Phage gesteiert ginn. Sou kënnen des Phagen z.B. indirekt eis Daarmflora beaflossen an se fit halen, oder d'Schläimhaut vum Daarm virun Entzündunge schützen.

Loossen sech positiv Wierkungen da geziilt asetzen?

Wëssenschaftler sinn op Vire souguer ugewisen. Si brauchen se als Transportmëttel fir genetesch Informatiounen. Domadder brénge si Mikroorganismen z.B. dozou, bestëmmte Stoffer ze produzéieren, wéi z.B. Medikamenter. Op eng änlech Aart a Weis kéint ee Viren an der Medezin bei der Gentherapie benotzen: Mat hinne kéint een eng Zort Reparaturcode an Zelle mat futtissem Ierfmaterial aschleisen. Ausserdeem probéiere Fuerscher Kriibs mat Viren ze bekämpfen. Déi ginn drop trainéiert, Kriibszelle geziilt ze attackéieren an ze zerstéieren.

Wow, dat kléngt beandrockend!

Jo, an dat ass nach net alles. Vire kéinten och eng Léisung fir de Problem vun den Antibiotiquesresistenze bidden. Hei spille Phagen eng Haaptroll. Wann d'Behandlung vun enger bakterieller Infektioun duerch Antibiotique net uschléit, kéinte déi “gutt Viren” géint d'Mikroben zum Asaz kommen. Doru gëtt grad intensiv gefuerscht. Et bleift also wéi ëmmer spannend an der Fuerschung!

Auteur: scienceRELATIONS (Ralf Butscher)
Editeur an Iwwersetzer: Michèle Weber (FNR)

Infobox

Aussi intéréssant

ARN Le « côté obscur » du génome peut-il contribuer à la lutte contre les maladies cardio-vasculaires ?

Des types spécifiques de molécules d'ARN permettent-ils de mieux comprendre l’apparition de maladies cardio-vasculaires ...

LIH
SARS-CoV-2 vs. virus de la grippe La saison grippale n’aura-t-elle pas lieu cette année ?

Il semblerait que dans l'hémisphère sud, la grippe saisonnière de 2020 n'ait pas été aussi virulente que les années préc...

LNS
Test par PCR, test antigénique, test sérologique Quelle méthode de test convient le mieux à quel stade d’une infection à la COVID-19 ?

Les différents tests fournissent différentes indications sur une infection au coronavirus SARS-CoV-2. Tous ont un rôle à...

FNR

Aussi dans cette rubrique

Gediechtnes Firwat léiert ee Songtexter méi einfach ewéi Physiksformelen?

Mr Science, wann ech e Lidd eng Kéier héieren, kennen ech de Refrain direkt auswenneg. Firwat verhalen ech d'Songtexter esou einfach, woubäi ech mat thermodynamesche Formelen ëmmer hu misse kämpfen?

FNR
Hühnerei
An d'Schuel geschmass Firwat ginn et wäiss a brong Héngereeër?

Firwat sinn Héngereeër eigentlech wäiss oder brong a wéi kënnt d'Faarf an d'Schuel?

FNR
Optik vum mënschlechen A Wéi vill (Mega-)Pixel huet eist A?

Mr Science, ëmmer méi Bildschiermer a Fotoapparater bidden enorm héich Opléisungen. Wéi vill Megapixel hätten eis Aen eigentlech, wann et Fotoapparater wieren?

FNR