(c) Orrling and Tomer S

D’Zuele schwanken zwar vill, mee en amerikanesche Fuerscher huet gerechent, dass mer 1 bis 2 g Hautzellen den Dag verléieren! Wann’s de 80 Joer al gëss, da läppert dat sech op 30 bis 60 Kilo zesummen!

Firwat verléiere mer dann esouvill Hautzellen?

Et ass eis Haut, déi eise Kierper zesummen hält a verhënnert, dass en deshydratéiert! An se schützt eis och virun externe Bedrohungen, wéi zum Beispill viru Bakterien, Viren a Parasiten an awer och viru Verletzungen. Déi iewescht Schicht vun der Haut gëtt also vill ugegraff an notzt séier of. Fir kee Risiko anzegoen, gëtt déi Schicht dofir all 2-4 Woche ganz mat neien Zellen ersat! Déi al, ofgenotzten Zelle falen erof a sammelen sech mam Stëbs un. An dat kann esouguer ganz praktesch sinn! Eng Rei Studie weisen nämlech dorop hin, dass ofgestuerwen Hautzellen d’Loftqualitéit an den Haiser kenne verbesseren! Op den Hautzelle sinn nämlech Fetter drop, an eent dovun, de Squalen, reagéiert mam Ozon. An esou kennen d’Hautzellen d’Quantitéit vum schiedlechem Ozon an den Haiser reduzéieren!

Dann hunn ech awer elo eng schwéier Entscheedung viru mer: Stëbsallergie riskéieren oder d’Loftqualitéit verbesseren!

Auteur: Corinne Kroemmer

Foto © Orrling and Tomer S
 

Infobox

Mister Science op RTL Radio

1mol d'Woch présentéiert de Mr Science op RTL Radio spannend wëssenschaftlech Kuriositéiten.

     

Aussi dans cette rubrique

Zaunkönig
Vullegesang Wéi brénge winzeg Villercher et fäerdeg sou haart ze sangen?

Sangvullen hunn zwou speziell Strukturen an hirem Kierper: Loftsäck an e besonnescht Stëmmorgan.

FNR
D'Wierkunge vun der Spermaflëssegkeet Ass Sperma gesond?

Bei ville Koppele gehéiert Oralverkéier beim Sex dozou. Zum Schluss kënnt d'Ejakulatioun. Ass et eigentlech gesond, de Sperma ze schlécken?

FNR
Physik vum Schifueren Firwat kënnt ee mat moderne Schi esou einfach an d'Kéier?

Mister Science, vill Lëtzebuerger si grad an der Schivakanz. Fréier, mat mengen ale Schi, hat ech den Androck, datt d'Kéierefuere vill méi schwéier war ewéi elo mat moderne Schi. Wéi kann dat sinn?

FNR