Kaméilen drénken an e puer Stonnen esou vill wéi mir an 2 Méint!

En auserdiischtert Kaméil ka bannen e puer Stonne locker iwwer 100 Liter Waasser drénken! Mat där Quantitéit kéime mir bal 2 Méint aus.

E Kaméil, wat auserdiischtert ass, ka bannen e puer Stonne locker iwwer 100 Liter Waasser drénken. Mat däer Quantitéit kéime mir bal 2 Méint aus!

An da späicheren se dat an hirem Hocker...?

Nee dat ass just e Mythos! Den Hocker besteet haaptsächlech aus Fett an ass just hiren Energiespäicher.

Wat ass dann de Kaméilen hiert Geheimnis?

De Kaméilen hiere Kierper huet ganz speziell Fähegkeete, fir sech u Situatiounen z'adaptéieren, wou sie bal kee Waasser ze drénke kréien: hiren Urin ass konzentréiert, d’Blutt déckflësseg an d’Zelle geschrumpft, ouni dass hiert Liewen a Gefor ass. Si kënnen esou bis zu 30% vu hirem Kierpergewiicht a Form vu Waasser verléieren. Wann se dann d’Méiglechkeet hu fir ze drénken, dann drénken se just genuch fir dat verbrauchte Waasser ze ersetzen. D’Bluttkierpercher, déi eng aussergewéinlech oval Form hunn fir am déckflëssege Blutt d’Oderen net ze verstoppen, kënnen hire Volume méi wéi verduebele wa Waasser do ass. A fir nëmme kee Waasser ze verléieren, hunn si zum Beispill och eng ganz speziell Nues: si kënnen d’Loft déi se ausootmen ofkillen! A well kal Loft manner Fiichtegkeet kann ophuelen, kondenséiert en Deel vum Waasser an hirer Nues.

Ganz aussergewéinlech Déieren also. An den Hocker huet iwwerhaapt näischt mam Waasser ze dinn.

Auteur: Corinne Kroemmer
Foto © Peretz Partensky

Infobox

Mister Science op RTL Radio

1mol d'Woch présentéiert de Mr Science op RTL Radio spannend wëssenschaftlech Kuriositéiten.

Quellen an zousätzlech Linken

Foto ©Peretz Partensky : http://upload.wikimedia.org/wikipedia/commons/thumb/e/e6/Leaky_Pipe_Oasi...

What secrets lie within the camel’s hump: http://www.djur.cob.lu.se/Djurartiklar/Kamel.html

Water balance of the camel: http://ajplegacy.physiology.org/content/185/1/185.short

Temperature and water relations in dromedary Camels: http://www.bio.davidson.edu/Courses/anphys/1999/Blackwell/Blackwell.htm

National Research Center on Camel: http://nrccamel.res.in/physiology_reproduction.php

Camelfarm: http://camelfarm.com/camels/camels_biology.html

Blood cells protect from dehydratation: http://www.asknature.org/strategy/b69c5de2019f07f6069a3fd7fb224ea1#.U0JO...

Auch in dieser Rubrik

Mimetismus an Tarnung Firwat kënne verschidden Déieren hir Faarf änneren?

Mr. Science, firwat kënnen Déieren ewéi Chamäleonen, Séipäerdercher oder Tëntefësch hir Faarf änneren? Bréngt dat hinnen iergendeng Virdeeler?

FNR

Menstruatioun Firwat hu Frae Péng, wa se hir Reegel hunn?

Fir munch Fraen ass et all Mount dat selwecht: Wa se hir Reegel hunn, hu se esou wéi, dass se bal net kapabel sinn, eppes ze ënnerhuelen. Wouhier kënnt eigentlech dës Péng?

FNR

D’Sënner schäerfen Kann ee seng Sënner duerch Training verstäerken?

Muskele loosse sech trainéieren. D’Ausdauer och. An d’Sënner? Well Perceptioun am Gehier entsteet an dëst verformbar ass, misst et wuel méiglech sinn.

FNR