Wann’s de alleguer deng Oderen hannereneen hänks, da kenns de op 100.000 km! Du kanns se also 2,5 mol rondrëm d'Äerd wéckelen!

(c) United States Marine Corps

Wann’s de alleguer deng Oderen hannereneen hänks, da kenns de op 100.000 km!

D’Äerd huet jo en Ëmfang vun 40.000 km, du kanns deng Oderen also 2,5 mol rondrëm wéckelen!

Wat!? Ech hat elo mat vläit 5 km gerechent, mee 100.000 km??

Jo, eisen Duerchbluddungssystem ass zimlech grouss a komplex! Déi meescht Oderen sinn esou kleng, dass mir se guer net mam bloussen Aan gesinn! Déi grouss Oderen, déi mer zum Deel och duerch d’Haut gesinn, sinn am Fong just do fir déi grouss Distanzen ze iwwerbrécken an d’Blutt tëscht de Longen, dem Häerz an den Organer hin-an hir ze transportéieren. Mee Ziel vun der Duerchbluddung ass et jo, fir d’Organer, an dat heescht all eenzel Zell vun den Organer, mat Sauerstoff an Energie ze versuergen, an Offallprodukter mat ewech ze huelen! Déi grouss Oderen verzweigen sech also esou dacks, fir dass all Zell sou no wéi méiglech bei enger klenger Oder ass. Déi si plazeweis esou kleng, dass just ee roude Bluttkierpercher no deem aner doduerch passt!

Oh freck, jo! Wann ech mech gudd erënnere soos de eng Kéier mir hätten e puer Billiounen Zellen! Wann déi all mussen eenzel versuergt ginn, jo, da brauchs de wuel eng Rei Oderen!

Auteur: Corinne Kroemmer
Foto © United States Marine Corps

Infobox

Mister Science op RTL Radio

1mol d'Woch présentéiert de Mr Science op RTL Radio spannend wëssenschaftlech Kuriositéiten.

     
Quellen

Auch in dieser Rubrik

 Plackentektonik Wéi gesinn d'Kontinenter an enger Millioun Joer aus?

D'Kontinenter bleiwen net fix op enger Plaz. Se driften – lues, mee konstant. Wéi wäit komme se an enger Millioun Joer? A wou läit dann de Grand-Duché? E Bléck an déi geologesch Zukunft.

FNR
Falentherapie Botox: Wéi hëlleft dat déidlechst Gëft vun der Welt géint Falen?

Botox ass ronn eng Millioun mol méi déidlech wéi d’Gëft vun enger Kobra, an awer loosse vill Mënschen sech et sprëtzen, fir méi schéin auszegesinn. Wéi wierkt et eigentlech?

FNR
Outdoorkleedung Kann eng dënn Jackett geneesou waarm halen ewéi eng déck?

Eng dënn Funktiounsjackett ka geneesou waarm halen ewéi en décke Parka. Mir erklären, mat wat fir engen techneschen Tricker bei Material, Passform a Wandschutz dat geléngt.

FNR