Den 2. Juli 2013 as den Douglas Engelbart am Alter vun 88 Joer gestuerwen. Den Numm seet deene mannsten eppes, mee et ass him ze verdanken, dass mer alleguer e Computer doheem stoen hunn.

E Pionéier an der Computertechnik! Zu senge gréissten Erfindunge gehéieren d’Maus, d’Navigatioun mat engem Fënstersystem an eng ganz Rei kollaborativ Aarbechtsgeschir.
Him ass et ze verdanken, dass et keng Hexerei méi ass fir e Computer ze benotzen.

Den Engelbert selwer ass awer och fir seng perséinlech Liewensphilosophie bekannt, déi seng Aarbecht a Fuerschung viru gedriwwen huet. Ziel vu senger Aarbecht war et, fir Wësse méi einfach ze verbreeden an erreechbar ze maachen. Well laut him ass déi beschte Léisung fir e Problem ze léisen, fir op de kollektiven IQ zeréckzegräifen. Nom Prinzip: jidderee weess e bëssen, zesumme wësse mer vill! Des Philosophie fënnt een och haut ëmmer nach, schliisslech tauchen ëmmer méi kollaborativ Websäiten op, déi en ähnlecht Zil verfollegen.

Text: Corinne Kroemmer

Infobox

Mister Science op RTL Radio

1mol d'Woch présentéiert de Mister Science op RTL Radio d'Erfindung oder den Entdecker vum Daag.

Quellen

Auch in dieser Rubrik

 Plackentektonik Wéi gesinn d'Kontinenter an enger Millioun Joer aus?

D'Kontinenter bleiwen net fix op enger Plaz. Se driften – lues, mee konstant. Wéi wäit komme se an enger Millioun Joer? A wou läit dann de Grand-Duché? E Bléck an déi geologesch Zukunft.

FNR
Falentherapie Botox: Wéi hëlleft dat déidlechst Gëft vun der Welt géint Falen?

Botox ass ronn eng Millioun mol méi déidlech wéi d’Gëft vun enger Kobra, an awer loosse vill Mënschen sech et sprëtzen, fir méi schéin auszegesinn. Wéi wierkt et eigentlech?

FNR
Outdoorkleedung Kann eng dënn Jackett geneesou waarm halen ewéi eng déck?

Eng dënn Funktiounsjackett ka geneesou waarm halen ewéi en décke Parka. Mir erklären, mat wat fir engen techneschen Tricker bei Material, Passform a Wandschutz dat geléngt.

FNR