D’Philharmonie wäert lues awer sécher iwwer Rouspert an Däitschland wanderen! Wéi kann dat sinn?

(c) FNR, Sophie Steinmetz

Laut dem gängegste Modell vun de Geologe wandert de Buedem ënnert eise Féiss no Nordosten. D’Philharmonie wäert also lues awer sécher iergendwann iwwer Rouspert an Däitschland wanderen!  

Uh, dat do erënnert mech u mäi Géoskuer! Huet dat net eppes mat deenen “tektonesche Placken” ze dinn?

Jo, genee. De Buedem ënnert eise Féiss ass ganz zerrass, sou dass mer eigentlech op eenzele grousse Placke setzen. Des Placke schwammen op dem Magma. An duerch d’Beweegung vum Magma ginn dës sougenannten tektonesch Placke vun ënnen a verschidde Richtunge gedréckt a kennen dann natierlech och anenee knuppen!

Ajo, an da ginn et Äerdbiewen. Mee d’Beweegunge vun de Placke spiere mir jo net, oder?

Nee, déi sinn natierlech vill ze lues. D’Philharmonie brauch jo duerfir och 1,3 Millioune Joer fir déi 33,3 km bis op Rouspert zréckzeleeën! Op där Plack, op däer mir léien, läit awer och Rouspert an Däitschland, mir beweegen eis also all no Nordosten! Dat heescht e Staater muss och an 1,3 Millioune Joer nach den Auto oder Zuch huele fir op Tréier!

Wann et deen da nach gëtt!?

Auteur: Corinne Kroemmer

Foto © FNR, Sophie Steinmetz

Infobox

Mister Science op RTL Radio

1mol d'Woch présentéiert de Mr Science op RTL Radio spannend wëssenschaftlech Kuriositéiten.

   
Quellen:

Auch in dieser Rubrik

 E-Zigaretten Vapen oder Fëmmen: Wat ass méi schiedlech?

Vapes respektiv E-Zigarette si längst am Alldag ukomm. Mee wéi vill wësse mir eigentlech iwwer dat, wat mir do anootmen?

FNR
Ausserierdesch Signaler Wéi sicht d'Wëssenschaft no ausserierdesche Signaler?

Wat geschitt, wann d'Mënschheet e Signal vun ausserierdeschem Liewen entdeckt? Nei international Richtlinne leeë fest, wéi d'Wëssenschaft da soll virgoen. Mee wéi sicht se iwwerhaapt no Signaler?

FNR
Physik am Alldag Firwat knuppen Diere bei Duerchzuch zou?

Wann Diere bei Duerchzuch zouknuppen, stécht net einfach nëmme Wand dohanner. Entscheedend sinn Drockënnerscheeder, déi Loft a Beweegung setzen – an d'Tatsaach, datt d'Dier d'Loft selwer och beweegt.

FNR