Mat 1 Liter Helium kann een 1 Gramm ophiewen. En normalen Helium-Ballon vum Mäertchen ass mat 14 Liter Helium gefëllt, a kann also 14 Gramm ophiewen. Fir d’Gëlle Fra brauch een also iwwer 100.000 Helium-Ballonen!
D’Gewiicht vun der Gëlle Fra war laang Zäit e Rätsel. Si ass 1923 entworf ginn, als Symbol fir eise Wëlle fir am Éischte Weltkrich onofhängeg ze bleiwen. De Kënschtler Claus Cito hat d’Gewiicht zwar bestëmmt a sengen Ënnerlage festgehal, mee d’Friddensgöttin mam Lorberkranz huet vill am 20te Jorhonnert gelidden. Nodeems se e puer mol zerstéiert an sou gutt wéi méiglech rëm opgebaut gi war, konnt kee méi soe wéi vill d’Statue géif weien.
Gewoust war, dass déi méi wéi 3 Meter héich bronze Statue mat Gold iwwerzu wier. D’Firma, déi sech ëm den Transport vun der Gëlle Fra op d’Weltausstellung zu Shanghai 2010 gekëmmert huet, huet hiert Gewiicht doropshin op eng knapp Tonn geschat. Si hunn hiren Iertum awer séier festgestallt, an dat richtegt Gewiicht vun der Gëlle Fra gemooss.
Auteur: Corinne Kroemmer
Sources :
http://www.expogellefra.lu/media/PadagogischesDossier.pdf
