Tim Reckmann/pixelio.de

Tenside fënns de souwuel am Shampoing, am Gel an an der Seef.

Shampoing fir d’Hoer, Duschgel fir de Kierper a beim Lavabo e Block Seef fir d’Hänn… Gëtt et e Grond, net einfach ee Produit vu Kapp bis Fouss ze benotzen?

Dat éischt wat s de fir dës Äntwert muss wëssen, ass, wéi dat mam Wäschen iwwerhaapt funktionéiert.

Also Mr Science, de Grondprinzip dovun huet meng Mamm mer scho viru Jore bäibruecht!

Nee, ech mengen natierlech d’Chimie derhannert! An all Wäschmëttel si Substanzen, déi sech ëm Fett op eiser Haut, eisen Hoer, oder och um knaschtegen Teller festsetzen – se fänken d’Fett an, fir dass d’Waasser et kann ewechspullen. Dës sougenannt Tenside fënns de souwuel am Shampoing, am Gel an an der Seef .

Aha – also ass et effektiv egal mat wat ech mech wäschen.

Jein. Eng natierlech Seef aus Déieren- oder Planzefetter, huet par Rapport zu Shampoing oder Gel ee groussen Nodeel: An haardem Waasser, zum Beispill mat vill Kallek, bilden sech kleng Kristallen, déi s de net onbedéngt an déngen Hoer wëlls hunn. Am Shampoing an am Gel sinn Zousazstoffer, déi dat verhënneren.

A bei Waasser ouni Kallek…?

Häss de dee Problem och mat Seef net. Och mat Duschgel oder souguer mat verdënntem Spullmëttel kanns de deng Hoer genau sou gutt propper kréie wéi mat Shampoing. Trotzdem ass Shampoing fir de Kapp besser, well do nieft dem eigentleche Wäschmëttel nach aner Stoffer dra sinn, déi speziell fir d’Hoer geduecht sinn: ënner anerem souer déi d’Kämme méi einfach maachen, d’Hoer virum Verdréchne schützen oder dofir suergen, dass se manner statesch opgeluede sinn.

Autor: Liza Glesener
Foto: © Tim Reckmann/pixelio.de

 

Infobox

Fuerschung zu Lëtzebuerg

D’Shampoing-Reklamme probéieren zwar heiansdo eis sou munch Dommheet ze verzielen – Hoer kann een zum Beispill net “méi lieweg” maachen, vu dass se aus doudegen Zelle bestinn – trotzdem stécht am Domaine vill Fuerschung dran.

D’Grondlag vun engem Shampoing ass ëmmer déi selwecht: e Wäschmëttel, wat d’Fett vun den Hoer erofkritt. Mee dono gëtt et méi spannend. Wat fir ee Stoff kann ech an de Shampoing maache fir dass et méi schéi schaimt? Wat maachen ech dran, fir dass e méi flott ausgesäit oder sech besser op der Hand ufillt? Wéi ee Stoff verhënnert am Beschten d’Bildung vu Kristallen am haarde Waasser? Wéi kréien ech am mannste Knetzelen? Wat fir eng Substanz schützt am effektiivste virum Verdréchnen? Wéi kréien ech Lüster an d’Hoer? A wéi maachen ech mäi Shampoing fir de Client méi attraktiv wéi alleguer déi aner?

Alles dat ass just eng Fro vun de Ingredienten…Em déi richteg Zoutat an der richteger Mooss op der richteger Plaz geet et och an der Lëtzebuerger Fuerschung oft. Am Luxembourg Institute of Science and Technology fuerscht zwar keen um Shampoing, mee de Grondprinzip an der Recherche-Unitéit fir Materialfuerschung ass oft dee selwechten. Wann d’Fuerscher do en ultra-staarke Pech wëllen entwéckelen,  experimentéieren se z.B. domat, wéi verschidde Substanzen déi dem Pech bäigemëscht ginn, deem seng Eegeschafte veränneren.

Auch interessant

Experiment Looss eng Béchs duerchsichteg ginn!

Eng Béchs besteet dach aus Metall - oder? Wéi soll déi dann duerchsichteg ginn? Ma dat ass guer net sou schwéier an du k...

FNR
Science Writing Competition 2021 Werden wir eines Tages Wände hochklettern wie Spiderman?

Damit ein Mensch an einer Wand emporklettern kann, müssen seine Hände mit einer Kraft an der Wand haften, die sein Gewic...

Weihnachtsexperiment Bastele einen Stern mit Zahnstochern!

Mit diesem kleinen Science-Trick könnt ihr die Gäste auf eurem Weihnachtsessen begeistern!

FNR

Auch in dieser Rubrik

Ökobilanz Chrëschtbeemchen Wéi ee Chrëschtbeemchen ass am nohaltegsten? Plastik oder echt?

Oh Dännebam, wéi gréng bass du wierklech? Wéi ee Chrëschtbeemchen ass am ökologeschsten? Mir hunn dräi Variante matenee verglach: den echte Beemchen, de Plastiksbeemchen an den ausgeléinten am Dëppen

FNR
Alteren Astronauten méi lues an der Ëmlafbunn? Ass et wierklech wouer datt d'Zäit an engem Raumschëff méi lues leeft?

Ech hunn viru kuerzem gelies, datt Astronaute méi lues alteren, wa se op enger Raumstatioun ronderëm d'Äerd fléien. Ass dat wierklech wouer Mister Science?

FNR
Op Nummer sécher Wéini kënnt d’Pëll fir de Mann ?

Hormonell Verhütungsmëttel gëtt et bis ewell just fir d’Fra. Wéini kënnt d’Pëll fir de Mann ?

FNR