Adobe Stock

Sperma ass e Mix aus verschiddene Sekreeter, déi an Drüse vum männleche Kierper zesummegebraut ginn.

Tatsächlech enthält Sperma Närstoffer, déi fir de Kierper wichteg sinn: zum Beispill Proteinnen, also Eewäiss-Moleküllen. Mä d'Quantitéit ass ganz kleng. Si maache just 5 Prozent vum Ejakulat aus. Dat geet bei Wäitem net duer, fir dass een d'Wierkung mierkt. Dat selwecht gëllt fir aner Stoffer ewéi Kalzium, Magnesium an Zénk.

Aus wat besteet Sperma dann haaptsächlech?

Niewent Proteinnen an de genannte Spuerenelementer enthält Sperma ënner anerem Aminosaieren, Zitrounesaier, verschidden Zorten Zocker, Hormoner a Spermin – eng Substanz, déi a munche Kierperzelle produzéiert gëtt an déi éischte Kéier am Sperma nogewise gouf. Mä den Haaptbestanddeel ass Waasser: Et mécht wäit iwwer 90 Prozent vun der Spermaflëssegkeet aus. Op d'Spermie selwer entfale just zirka 0,5 Prozent vum Sperma.

Och wann d'Närstoffer net duerginn – huet Sperma awer och positiv Wierkungen?

Na ja, et ginn e puer Studien, déi esou Effete beschreiwen. Amerikanesch Fuerscher hu beispillsweis ënnersicht, ob heefege Kontakt mat Sperma d'Psych vu Frae beaflosst. Si hunn erausfonnt, dass Fraen, deenen hire Partner beim Geschlechtsverkéier kee Kondom benotzen, manner zu Depressiounen tendéieren ewéi anerer. Den Oralverkéier stoung awer net am Fokus vun dëser Studie. An d'Interpretatioun vun de Resultater vun dëser Studie ass och ëmstridden: Well de positiven Effet op d'Stëmmung kéint och ganz onofhängeg vum Sperma – eleng duerch d'kierperlech Intimitéit – ervirgeruff ginn, wat awer net ënnersicht gouf.

Ëmgekéiert gekuckt: Ka Sperma schiedlech sinn?

Am Normalfall net. Virausgesat: Béid Geschlechtspartner si gesond. Well net just beim Vaginal- oder Anal-, mä och beim Oralverkéier kann ee sech mat verschidde Geschlechtskrankheeten ustiechen. Méi Informatioune fannt Dir op www.safersex.lu.

Infobox

Wéi Sperma entsteet

Sperma ass e Mix aus verschiddene Sekreeter, déi an Drüse vum männleche Kierper zesummegebraut ginn. Zirka e Fënneftel steiert d'Prostate bäi: a Form vun engem zimmlech salzräiche Sekreet, dat dofir suergt, dass d'Spermien esou beweeglech sinn. Dës Spermien, déi d'geneetescht Material vum Mann droen, entstinn an den Hoden a räifen duerno an den Niewenhoden erun. De gréissten Deel vum Sperma staamt awer aus de sougenannte Spermablosen, déi direkt niewent der Prostate sinn. Si produzéieren ënner anerem Fruktos als Energiequell, fir d'Beweegung vun de Spermien unzedreiwen. D'Mëschung aus alldeem ergëtt eng gielzeg-wäiss, sämeg a liicht alkalesch Flëssegkeet, vun där bei enger Ejakulatioun e puer Milliliter – dat ass ongeféier esou vill ewéi en Téiläffel – aus dem Harnréierche vum Penis kommen. Eng Drëps dovu kann awer e puer Honnert Millioune fierdemaarteg Spermien enthalen.

Auteur: scienceRELATIONS (Ralf Butscher)
Redaktioun: Michèle Weber (FNR)
Iwwersetzerin: Danièle Di Cato (why vanilla?)

Infobox

Mr Science op ELDORADIO

All 2 Wochen beäntwert de Mr Science op Eldoradio eng Fro.
 

Aussi intéréssant

État des lieux scientifique Quels sont les effets sanitaires et sociaux du cannabis récréatif?

Nous résumons ce que sait la science sur l’impact du cannabis psychoactif sur le bien-être physique, mental et social de...

FNR
Étude sur le sommeil Étude nationale sur la qualité du sommeil pour mieux prévenir les maladies neurodégénératives

Une enquête en ligne est une première étape dans une nouvelle étude longitudinale qui vise à prévenir des maladies telle...

Hormoner Schilddrüseprobleemer: Wou kommen se hier?

Funktionéiert bei ëmmer méi Leit d’Schilddrüs net méi richteg? A wien ass besonnesch ufälleg fir eng Feelfunktioun vun d...

FNR

Aussi dans cette rubrique

Metall Gegenstände
Rätsel aus dem Alldag Wou kënnt metallesche Geroch hier?

Firwat richen eigentlech eng Mënz oder aner metallesch Géigestänn wéi zum Beispill e Schrauweschlëssel oder Dierklenschen? Kënne mir wierklech Metallatomer richen?

FNR
Selbsttest: Wim Hof Keelt-Challenge Wéi wierken 4 Wochen Äisbueden op de Kierper?

All Dag en Temperaturschock, soll dat gesond sinn? Äisbueder schwieren op allefall drop, an och Wëssenschaftler si ganz intresséiert. Mir hunn d’Method fir Iech getest...

FNR
person sitting on bed with head on knees
Down Wéi kann een eng Depressioun evitéieren?

Ech hu gelies, dass Depressioune wärend der Corona-Pandemie méi heefeg gi sinn. Wéi entstinn eigentlech Depressiounen a wéi kann ee si verhënneren, Mr Science?