shotshop.com

D’Sonn huet dat stäerksten natierlechst Liicht.

Mr. Science, dës läscht owes wou d’Sonn déif um Himmel stoung, hunn ech kuerz an d’Sonn gekuckt. Duerno hunn ech eng gutt Zäit laang ee schwaarze Fleck gesinn, deen net do war. Wéi kënnt dat?

Wann s Du an eng ganz hell Luucht kucks, reegelt däin A d’Empfindlechkeet vun dénge Kuckzellen, op déi di staark Luucht fält, erof. Wann s Du däi Bléck da vun der heller Liichtsource fort dréins, brauchen d’Kuckzellen e bëssi, bis si hier Empfindlechkeet erëm eropgereegelt hunn. An dëser Zäit mengs Du, ee schwaarze Fleck amplaz vun der staarker Luucht ze gesinn. Dat nennt een iwwregens Nobild.

Ech lafen dach stänneg laanscht hell Luuchten, an hunn awer net all Kéiers esou Nobiller, wéi wann ech an d’Sonn gekuckt hunn. Firwat?

D’Sonn huet dat stäerksten natierlechst Liicht a provozéiert dowéinst séier een Nobild. Virun dëser Luucht muss Du Deng Ae gutt schützen, soss kënnt séier eppes drun.

Aner Luuchte sinn net esou grell wéi d’Sonn. D’Empfindlechkeet vun de Kuckzelle gëtt dowéinst net esou staarkt erofgereegelt. Ausserdeem wandert däin A beim normale Kucken dauernd hin an hier. Verschidde Beräicher vun denger Netzhaut ginn dobäi gereizt – an dann entsteet net sou een däitlecht Nobild wéi bei engem kuerzen, steiwe Bléck an d’Sonn.

Wéi laang dauert dat dann, bis sech d’Kuckzellen erëm calméiert hunn?

Bis d’Nobild, also dee schwaarze Fleck, verschwonnen ass, dauert et nëmmen e puer Minutten. Mee ëmgedréint, bis sech däin A u wéineg Luucht oder souguer un absolut Däischtert gewinnt huet, kann et schonn eng hallef Stonn daueren. Mee dann kann däin Aa awer souguer een eenzelt Liichtdeelechen gesinn, dat z.B. vun engem wäite Stär op deng Netzhaut fält. Däin A bréngt méi Leeschtung wéi all Fotoapparat.

Nobiller beim Faarwenkucken

Nobiller hëlt een net nëmme wouer, wann een an eng ganz hell Luucht gekuckt huet. Och Faarwen hannerloossen den Androck vun engem Nobild – an zwar an der Complementaire-Faarf: Kuckt ee méi laang op eppes Bloes, da gesäit ee wäisst Blat Pabeier duerno giel aus. Aus rout gëtt gréng. De Grond dofir läit un de verschiddene Kuckzellen, déi mir fir dat Faarwenkucken an der Netzhaut hunn: Et gëtt Rezeptore fir rout, gréng a blo.  Bei wiesselende Faarwen-Andréck déi dräi Rezeptor-Aarte gläichzäiteg an ënnerschiddlechem Ausmooss stimuléiert a schécke Signaler un d’Gehir. Sou kommen déi vill Faarfnuancen zustan, déi mir ophuele kënnen.

Wann een sech op eng eenheetlech Faarffläch konzentréiert, schéckt den entspriechende Rezeptortipp en permanent Signal – a gëtt dobäi midd. Wann een dann op ee wäisse Pabeier kuckt, sinn déi grad nach iwwerstrapazéiert Rezeptoren fir eng kuerz Dauer inaktiv. Et sinn fir e kuerze Moment also just déi Rezeptoren déi net midd sinn, déi Signaler un d’Gehir ginn, an dofir  entsteet een Nobild an de Complementaire-Faarwen vun dem urspréngleche Faarfbild.

Auteur: scienceRELATIONS/Hannes Schlender
Editeur: Joseph Rodesch (FNR)
Iwwersetzerin: Melanie Reuter (FNR)

Infobox

Mister Science op Eldoradio

All 2 Wochen beäntwert de Mr Science op Eldoradio eng Fro.

Aussi intéréssant

Mound tëscht Äerd a Sonn Partiell Sonnefinsternis vum 10. Juni 2021 zu Lëtzebuerg

En Donneschdeg, den 10. Juni 2021 ass eng partiell Sonnenfinsternis zu Lëtzebuerg ze gesinn. Wat stécht dann iwwerhaapt ...

FNR
Effet vu Sonneliicht Firwat gi blond Hoer vun der Sonn méi hell – schwaarzer awer net?

No enger Vakanz, also wann een dacks an der Sonn ass, wierke blond Hoer méi hell –schwaarz Hoer awer net. Wouru läit dat...

FNR
Geféierlech Stralen Wisou kritt ee vun ze vill Sonn Hautkriibs?

Wien sech oft a laang ongeschützt an d’Sonn leet, kann Hautkriibs kréien. Mee wisou eigentlech?

FNR

Aussi dans cette rubrique

Feng Shui
En harmonescht Doheem Funktionéiert Feng Shui?

Muncheree setzt op Feng Shui, wann et ëm d'Ariichten an d'Dekoréiere vun der Wunneng geet. Dat uraalt chineesescht Konzept soll dobäi hëllefen, en harmonescht Liewen ze féieren. Funktionéiert dat?

FNR
Mullen
Et kënnt op den “r” un Firwat fänkt d'Mullesaison am September un?

Am Hierscht sti se nees an de Restauranten op der Kaart: Mullen. Mä firwat kommen d'Muschelen eréischt am September nees op den Dësch?

FNR
Zero Waste
Eng Welt ouni Offall Wat bréngt “Zero Waste“?

Duerch bewosste Konsum, schounenden Ëmgang mat Rohstoffer a virun allem Offallvermeidung wëll Zero Waste hëllefen, eis Ëmwelt ze retten. Wéi relevant ass des Beweegung? A wat funktionéiert?

FNR