(C) Joana Kruse/Shotshop

Fir Zuelen ze verstoen an ze rechnen, gëtt et an eisem Gehir speziell Circuiten. Mä och d’Sprooch beaflosst d’Aart a Weis, wéi mir Zuele verschaffen a rechnen. Besonnesch an engem villsproochege Land wéi Lëtzebuerg ass et immens wichteg ze verstoen, wéi d’Sprooch eis Rechefähegkeete beaflosst. An enger Recherche mat Lycéesschüler an Universitéitsstudenten aus Lëtzebuerg hu mir dofir ënnersicht, wéi däitsch-franséisch bilingue jonk Leit Rechenaufgaben op Däitsch an op Franséisch léisen.

Dobäi huet sech kloer erausgestallt, dass d’Sprooch beaflosst, wéi séier a richteg ee Rechnungen (z.B. addéiere vun zweestellegen Zuelen) léise kann.

Vrun allem 7e-Schüler rechne méi séier op Däitsch

Wann déi bilingue Versuchspersounen d’Rechnung op Franséisch gesot kruten (an och op Franséisch geäntwert hunn) waren si e bësse méi lues an hunn och e bësse méi Feeler gemat, wéi wann alles op Däitsch gelaf ass. Besonnesch déi méi jonk Schüler vu 7e ware staark beaflosst vun der Sprooch. Mam Alter an den zousätzleche Schouljoeren ass d’Roll vun der Sprooch da manner wichteg gi fir d’Addéiere vun zweestellegen Zuelen, mä awer ni ganz verschwonn. Eis Recherche huet och gewisen, dass d’Schüler méi schnell op Franséisch konnte rechnen, wann si virdrun e Saz op Franséisch gelies haten. Am Däitschen hat de sproochleche Kontext awer kee positiven Effekt.

Franséische Sproochekontext hëlleft beim Rechnen op Franséisch

Dës Resultater hëllefen eis verstoen, wéi Recheprozesser oflafen. Fir de lëtzebuergesche villsproochege Kontext sinn se natierlech och immens wichteg, well si weisen, dass eis Rechefähegkeeten och vun der Sprooch beaflosst ginn an där mir rechnen. D’Resultater beweisen en plus ganz konkret, dass e franséische Sproochekontext beim Rechnen op Franséisch hëlleft. Dës Erkenntnis kéint virun allem an de Lycéeën ugewannt ginn, fir de Schüler aus den ënneschte Klassen ze hëllefen, d’Ëmstellung vun der däitscher op déi franséisch Mathé (am Lycée classique) ze meeschteren.

Auteuren: Sonja Ugen & Christine Schiltz
Photo © Joana Kruse/Shotshop.com

Infobox

Wat ass LEARN?

 

 

LEARN ass d’Ofkierzung fir Learning Expertise And Research Network, dëst heescht esou vill wéi “Léier Expertise a Fuerschungsnetzwierk”. Mir sinn e Grupp vu Wëssenschaftler a Praktiker, déi sech fir Léierprozesser a Léierschwieregkeeten intresséieren. D’Zil vun dësem Netzwierk ass en Austausch vu verschiddenen Akteuren (Fuerschung, Schoul, Therapie,Elteren), déi sech mam Léiere befaassen.

Mir wäerten Iech nei Fuerschungsresultater aus rezente Projete virstellen, souwuel aus de Beräicher Mathematik, Zuelen a Raum, der Gesiichtserkennung, de Sproochen an de Sprooch-Entwécklungsstéierungen, sou wéi dem Aarbechtsgediechtnes an den Exekutivfunktiounen.

 

Zu den Auteuren

 

Ass.‐Prof. Dr Christine Schiltz : Professeur Associée op der Uni.lu. D’Christine erfuerscht an enseignéiert, wéi d’mënschlech Kognitioun sech entwéckelt. Si intresséiert sech besonnesch fir d’Fro, wéi d’Zuelebegrëffer bei Kanner an Erwuessener entstinn a wéi d’Gehir dës Prozesser steiert.

Dr Sonja Ugen : Kognitiv Entwécklungspsychologin bei EMACS. D’Sonja intresséiert sech fir d’Entwécklung an d’Léiere vum Liesen a Schreiwen, wéi och fir den Afloss vun der Sprooch op d’Veraarbechte vu mathematesche Prozesser an engem multilinguale Kontext.

 

Matarbeschter

 

Ass.‐Prof. Dr Pascale Engel de Abreu: Fuerscherin/Professeur Associée bei EMACS
Dr Danielle Hoffmann: Neuropsychologin/Fuerscherin bei EMACS
Dr Caroline Hornung: Kognitiv Entwécklungspsychikigin/Fuerscherin bei EMACS
Prof. Dr Romain Martin: Professeur op der Uni.lu
Ass.‐Prof. Dr Christine Schiltz: Professeur Associée op der Uni.lu
Dr Anne-Marie Schuller: Neuropsychologin an EEG‐Expertin bei EMACS
Dr Sonja Ugen: Kognitiv Entwécklungspsychologin bei EMACS

 

Waat ass EMACS ?

 

EMACS ass eng Fuerschungsunitéit op der Universitéit vu Lëtzebuerg, an huet keen Service fir eng Prise en Charge vu Léierschwieregkeete kënnen unzebidden. Wann Dier am Kader vun enger Léierschwieregkeet no Hëllef sicht, kontaktéiert w.e.g. ee vun de Servicer di um Terrain schaffen an eng Prise en Charge ubidden

 

Fir weider Informatiounen

 

learningandresearch.wordpress.com

 

Aussi intéréssant

Dépistage néonatal Recherche systématique de maladies chez les bébés

Grâce au dépistage néonatal, des maladies rares mais graves sont détectées de manière précoce au LNS. Cela permet d'évit...

LNS
Projet COVID-Kids La satisfaction de vie et le bien-être des enfants à l’épreuve de la pandémie

Les enfants et adolescents sont durement touchés par les changements liés à la pandémie du coronavirus. Le projet COVID-...

Update Étude de cohorte luxembourgeoise Predi-COVID étendue aux enfants

L'étude nationale éclaircira les facteurs de risque associés à la sévérité de la COVID-19 chez les plus jeunes

LIH

Aussi dans cette rubrique

Santé mentale Impact de l'adversité en début de vie sur la santé mentale plus tard dans la vie

De nouvelles connaissances sur les effets à long terme d’une séparation des parents ou d’une adoption sur la santé mentale soulignent qu'il faut offrir un soutien aux enfants concernés.

Projet COVID-Kids La satisfaction de vie et le bien-être des enfants à l’épreuve de la pandémie

Les enfants et adolescents sont durement touchés par les changements liés à la pandémie du coronavirus. Le projet COVID-Kids s’est intéressé aux conséquences de la première vague sur eux.

FNR Awards 2020 Pour des vidéos sur la mise en œuvre de l’éducation plurilingue pour jeunes enfants

Claudine Kirsch et Simone Mortini de l'Université du Luxembourg reçoivent un prix pour une innovation basée sur une recherche exceptionnelle.

psychologische auswirkungen
Etude COVID-19 Quels sont les effets psychologiques du « social distancing » ?

Participez à cette étude et aidez les chercheurs à mieux comprendre l'impact de la crise corona sur la psyché de la population au Luxembourg et dans les pays voisins.